EZEKIEL 19
19
Israel Yakzanshuhrü thsungkheak Tüzhokhi
1Israel yakzanshuhrü thsungkheak tüzhopü tankihang, 2tüsho thaang:
Küdükhüh she kekhüzü bolung nü be ju kekhüzü dreto lakhea!
Anihbenü kekhüzübo lung yap tüsho anihbe nunubo mütrü.
3Anihbenü anunu bolung khülang mütrümusu tüsho api sühmüh lakhi kekhüzü kam.
Apinü shih rampü mükheah tüsho mihtsürübo tsüh.
4Trükshihbonü api dünkheak so,
tüsho arü müthrim ching api phuh.
Arünü api khoyangnü wuka Ijip lomi lim bede yü.
5Küyimki anihbenü mulonglamkhi mukukde angükhea,
anihbe mükkin tsoabah,
anihbenü anunu püpü lu tüsho api sühmüh lakhi kekhüzü kamshih.
6Apinü kekhüzü bolung jimchoh,
tümüde api kheakü kekhüzü athunu lakheah.
Apinü shih rampü mükheah tüsho apinü mihtsürü tsüh.
7Apinü arü chipibo yihkheam tüsho arü kiutobo thsümünim.
Lomi tüsho ju ching larü alalanü api arungkhi sobah müyinsah.
8Judüki trükshihbonü api azhihde mühide alakhi kewungbo chingnü arü.
Arünü api thsungkheak keang phua zojih tüsho arü müthrim ching api phuh.
9Arünü khoyangnü api thoa lubah chirhang ching yuk tüsho Babilon kiulongthsüpuh kilim api bedarü.
Arünü api rihyam ching yuk,
jumonü api arungkhi Israel müzüngbo kheak musodebah. @1- L I N E- SP AC E =
10Nü be ju nü yo kurungasolu ching kurungaso khülang ke ching khimkhi nangde lah;
Ke suhdahkhi hode aso aso tüsho akhahbo mide la.
11Akhahbo ju yakzanshuhrü tso thsüpü khiukde düküngde alakheah.
Ha akhah hihkhi kumung changde yükih,
achangkhi tüsho ayü niuniukhi anihbe kheak ngü.
12Tüshe ju bukmüshakkhi ching rukkhit tüsho alo ching bah.
Aniakhiuklim pungnü aso ju yünmukuhabah,
akhah adüküngbo yünshaka sheshih tüsho monü aniuabah.
13Kheakü ha sunglo ching, akunglo tüsho anikio lo ching khim.
14Akhah dungto khülang chingnü mo akhiuk tüsho aso aniuabah.
Jumonü akhah adüküng yakzanshuhrü tso thsüpü khiukde ju kheak maning.
Ha tüzhokhi khülang tüsho tüzhopü kamabah.
Currently Selected:
EZEKIEL 19: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
