EZEKIEL 15
15
Kurungaso Shihdanglimyu
1 Atungpuh yu I ki arü: 2Mihtsürü tsührü, küde thsah kurungaso sang ju murung ching sangkhah khürü kheaknü atsübea? 3Ha chingnü alukhi sang ju tümükhüh yihnüpü thsücho de? Jurünü kukruk zhinpü müzambo thsücho de? 4Tüsho ju dunglim mojim thsüde mo ching yukshu tüsho monü akheam chido takbah aphulung takmüraksho, ju tümükhüh thsungkheak yihnüpü la de? 5Ha abüm lachoki tümükhüh yihnüpü mülasho, monü atakshu tüsho müraksho, ha tümükhüh yihnüpü küdükhüh nükde alaba?
6Jumonü Wuto Atungpuhnü ha thachoh: Inü murung kurungaso sang mojim thsüpü jihkhi nangde, Jirusalem ching larü mihtsürü ki inü ajihbah. 7Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah. 8Inü lomi zhikrangkhündo lashihbah tümütüsho arünü thiyuro mülade lado, Wuto Atungpuhnü thachoh.
Currently Selected:
EZEKIEL 15: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
