ROMTE 12
12
Khrista ah Hinna Thak
1Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.
2Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.
3Hepina piak ah ka umna jal in, la leng ua kiang in zia thu hi ka gen ahi, la lak un kuama ama hi’na khêl ah kingaisâng lo ding leh, Pathian in ginna a hun piak dungzui ah dik tak in kingaitua chiat zaw tau in.
4 #
1 Ko 12.12
Taksa pakhat ah hin bâk chuam chuam a um ah, zia a bâkte nasep chu a kibat lo chiat gual in,
5zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.
6 #
1 Ko 12.4-11
Lungsiatna eimau ah piak ahi dungzui in, thilpiak chuam chuam I nei chiat ui; tichun, thugen ding I hi chun, I ginnau tawh kiphutawk jel ah gen in;
7nasêm ding I hi’leh sêm mai dingin, zilsakna lam ahi’ chun zilsak mai dingin,
8mi tîlhat ding chun, mi tîl jel mai hen la; thilpiak lam ah sêm ding chun phal tak in pia mai hen la; lawi upa ah pang ding chunle taima tak in sêm hen la; jangaina tâklang ding chunle thanuam tak in tâklang mai hen.
Khristian Tepte’na chu
9Hepina chu dawha panglo hihen la. Thil phalo chu huau inla, a pha chu tudet tau in.
10Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;
11kukãlna lam ah kilep hat lo in, lungthim tak ah kipumpiak in Lalpa na chu sêm un.
12Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.
13Mithiangtho tasamte chu hawm unla, malzin pha tak in zintun un.
14 #
Mat 5.44; Luk 6.28 Nangmau hun sugentheite chu maljawl unla, hânsia law kiu in.
15Kipakte chu kipak piu inla, kapte chu kâ piu in.
16 #
Tpl 3.7
Kituak tak in um chiat un. Kingaisâng kiu inla, mi kingaitawmte kivoppi zawu in. Kipilsak kiu in.
17Thil phalo chu thil phalo ma’n thuk kiu in. Mi zosia mit mu ah thil mêlpha chu hawl un.
18A thei lai sia nangmau chung ah kinga ahi chun, mi zosia tawh kicham in um un.
19 #
Dan 32.35
Doitakte haw, bangtik lai inle phuba la kiu in, Pathian lungnatna awt zawu in. “Phuba him him keima lâk ding ahi, keima’n thuk na’ng ka, Lalpa‘n a tii,” ti zik ahi ngal a.
20 #
Tpl 25.21,22 Hilo e! La mêlma a gil a kial leh nêk ding pia’n la, a dangchâk leh dawn ding pia’n, zia gual ah chu la bawl leh a luchung ah meiâm koi piak hi’n la.
21Gitlona thatzaw in um kin la, phatna’n gitlona chu thazo zaw ta’n.
Currently Selected:
ROMTE 12: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
