ROMTE 13
13
Chung ah Thuneite Thumatna
1Mitin a chung ua thuneite thunuai in um chiat uh hen, Pathian ah kipat longal kuama thunei in a pang ngai puau hi; thuneite hi Pathian guat a hiu hi.
2Ziaziakchun, kuale a chung ah thuneite dodâl chu Pathian namdetna dodâl a hiu; zia gual ah dodâlte chun amau â ding ah thutanna kihawldaw bep in au.
3Vaihawmte hi thilpha bawlte â dingin lau um ahi puau ah, thil phalo bawlte â dingin vang a lau um ui. Ahileh, thuneite lau lo hial ah um la nuam em? thilpha chu bawl lechin pâkchâk law ding la hi.
4Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.
5Ziaziakchun, lungnatna lau ziak bep hilo in, sia leh pha hetna ziak inle thuneite thunuai ah la um diu ahi.
6 #
Mat 22.21; Mar 12.17; Luk 20.25 Ziaziak tak ah hin Sia le la pesek uh ahi. Zia thilte sêm ding ah chun Pathian nasem ahi ngal un.
7Mi zosia kiang in piak ding chu pia mai un; leiman piakna ding ah chun leiman piau inla; Sia piakna ding ah Sia piau inla, kichâk ding chu kichâu inla, ja ding dawl chu ja tau in.
Kihepitua Chiat Ding
8Kihepituana beplo chu kuama thil ba kiu in; midang hepitu chun dan chu a hi’bukim ahi.
9 #
Pdt 20.14; Dan 5.18; Pdt 20.13; Dan 5.17; Pdt 20.15; Dan 5.19; Pdt 20.17; Dan 5.21; Thp 19.18 “Ângkawm kin, Tual that kin, Gu kin, Êng kin,” ti leh thupiak dang um nalai him himte hi, “Nangma la kihepi gual in la vêngte hepi in,” ti hin a khaikhawm suak tai.
10Hepina hin a Invêng siatna ding bangma a bawl puai; ziaziakchun, hepina hi Dan hi’bukimna ahi.
Dotna Kinkhawk
11Tu’lai hun umdante hi la het ziak un, ipmu lai thawhal a hun tak zet tai, ti hia’i tiu; tu’hin chu I gin lim lai sâng ua khan I hukdamnau chu a naizaw tai;
12jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.
13Sûn ah khawsa gual ah pha tak in um hitiu; zudawn buai leh zukham ah umlo in, hûk leh kidoicha umlo in, kina’ leh kithangsia umlo in;
14Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.
Currently Selected:
ROMTE 13: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
