Popular Bible Verses from ROMTE 12

Share

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

Kinepna lam ah chun kipak tak ah um in; thokna lam ah chun thuakzo tak in; gunchu tak in pauchap zing un.

Gitlona thatzaw in um kin la, phatna’n gitlona chu thazo zaw ta’n.

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in

Hepina chu dawha panglo hihen la. Thil phalo chu huau inla, a pha chu tudet tau in.

A thei lai sia nangmau chung ah kinga ahi chun, mi zosia tawh kicham in um un.

Doitakte haw, bangtik lai inle phuba la kiu in, Pathian lungnatna awt zawu in. “Phuba him him keima lâk ding ahi, keima’n thuk na’ng ka, LALPA‘n a tii,” ti zik ahi ngal a.

kukãlna lam ah kilep hat lo in, lungthim tak ah kipumpiak in Lalpa na chu sêm un.

Hepina piak ah ka umna jal in, la leng ua kiang in zia thu hi ka gen ahi, la lak un kuama ama hi’na khêl ah kingaisâng lo ding leh, Pathian in ginna a hun piak dungzui ah dik tak in kingaitua chiat zaw tau in.

Thil phalo chu thil phalo ma’n thuk kiu in. Mi zosia mit mu ah thil mêlpha chu hawl un.

Kituak tak in um chiat un. Kingaisâng kiu inla, mi kingaitawmte kivoppi zawu in. Kipilsak kiu in.

Hilo e! La mêlma a gil a kial leh nêk ding pia’n la, a dangchâk leh dawn ding pia’n, zia gual ah chu la bawl leh a luchung ah meiâm koi piak hi’n la.

Nangmau hun sugentheite chu maljawl unla, hânsia law kiu in. Kipakte chu kipak piu inla, kapte chu kâ piu in.

Mithiangtho tasamte chu hawm unla, malzin pha tak in zintun un.

Taksa pakhat ah hin bâk chuam chuam a um ah, zia a bâkte nasep chu a kibat lo chiat gual in, zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.