MATTHAI 28
28
Jesu Thawkitna
(Mar 16.1-10; Luk 24.1-12; Joh 20.1-10)
1Sabbath ni a hung bei ah, hapta nimasa a hung kipat lim, phalvak ah chun Mari Makdalin leh Mari dang kha thân en dingin a hung un.
2 Lalpa vansawlchâk chu van ah kipat hung kumsuk in; thânkot sitna suang kha a hun likdok ah, a chung ah a chut lai in, nasa tak in lîn a hung kilîng hi.
3A mêl latdan chu kawlphe gual in a vâk ah, a puante chu vûk gual in a vam hi.
4Thânvêngte chu lau in a kithing ua, a thi gual in a um tau hi.
5Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.
6A gen gual ah khan a thokit ta hen, zia tak hin a um ta puai, a lupna hi hung en ma tiam un.
7Tu’hin kin tak in chiau inla, ‘Thina kipat a thokit tai’; ti a nungzuite vahil un, la malam un Galili gam lam ah a la chia tai; zia lam ah chun vamu’n lau, zia chu ahi la kiang ua ka gen nop chu,” a la tia.
8Tichun, lau leh kipak ma ma kawm in thân chu a nusiau ah, akinthei pen in a nungzuite vahil dingin a tai tau hi.
9Jesu’n a la lamtua a, “Chibai aw!” a la tia. Amau in a keng a tuu ah, a be tau hi.
10Jesu’n a kiang un, “Lau kiu inla, ka suapite kha Galili gam ah chia dingin vahil zawu in, zia tak ah chun ei mu’n au,” a tia.
Thân Vêngte Thutut
11Chutia, a chia lai ua chun, thânvêngte lak ah khenkhat chu khawpi lam in a chiau ah, thil umdan zosia chu thiampu lalte a vahil tau a.
12Thiampute leh upate chu a chutkhawm zaw phat un, sepaite chu sum tam tak piak a gua tau a,
13a kiang un, “Zia gual hin gen un: ‘A nung zuite jan ah ka i-mut kâl un a hung uh hen, a hung gumang tau hi,’ tiu inla,
14gam ukpa’n a hun het phat leh, ama le thuzaw ing ka tiu in, nang uh hun hi’buai pua’ng kau,” a tiu a.
15Tichun, sum chu a lau ah, hil ah a um gual un a bawl tau hi. Zia thu hi tu’ni tiang inle Judate lak in gen ahi zing nalai hi.
Nungzuite Kiang ah Thupiak Thupi
(Mar 16.14-18; Luk 24.36-49; Joh 20.19-23; Nas 1.6-8)
16 #
Mat 26.32; Mar 14.28 Nungzui sawm leh khatte chu Galili gam ah, Jesu’n a guat piak tâng khat ah chun a chiau a.
17Ama a mu phât un a biau ah, khenkhat in vang a ginglâ nalai ua.
18Jesu a hung ah, a kiang un, “Lei chung leh van ah thuneina zosia ka kiang ah piak ahi tai;
19 #
Nas 1.8
ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;
20la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.
Currently Selected:
MATTHAI 28: VAIPBSI
Highlight
Share
Compare
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
