MATTHAI 16
16
Tepte’na A Dotnau
(Mar 8.11-13; Luk 12.54-56)
1 #
Mat 12.38; Luk 11.16 Pharisaite leh Sadukaite a hung un, Jesu ze-etna’n van ah kipat tepte’na hun etsak dingin a don un.
2Himaleh, ama’n a kiang un, nitâk lam ah kawl a hung san tak leh, van san a suak hi, khua pha ding ei tai, la tiu a.
3Chuleh, jingkal lam ah kawl a hung san ah, a hung thim leh, van san a suak in a hung thim hi, khua sia ding ahi, la ti kit sek ui. Aw nanghaw, mi phalêmte haw, van ah kipat in khua umdan ding la helawk thei ngal un; ahiziakin zia hun teptênate hi la hethei puau hi.
4 #
Mat 12.39; Luk 11.29 Tu’lai khangthak gilo leh thanghuaite hin, teptena la hawl uh ahi maw; himaleh, Jonah teptêna longal teptena dang him him piak hipua’n a, a tia. Amau chu nusia in, a chia mang san tai.
Pharisaite leh Sadukaite Thawi
(Mar 8.14-21)
5Dil gâl langkhat lam ah a nungzuite a hung tun phat un, vaithum puak ding a hemil un.
6 #
Luk 12.1
Jesu’n a kiang un, Pharisaite leh Sadukaite thawi lak in kivêng un, a tia.
7Amau chun, vaithum I puak lo ziak uh hiding ahi, ti’n a kingaituau a.
8Jesu’n a kihonau chu a he, a kiang un, Aw ginna tawmte haw, vaithum neilo thu ah bang gen la hiu em?
9 #
Mat 14.17-21
Tuchan hinle hethiam nailo la hiu maw? Mipi sang nga leh vaithum panga chanchin kha hepha talo maw? La bawm luak dim jat uh kha la hepha ta puau em?
10 #
Mat 15.34-38
Mi sang li leh vaithum sagi leh la bawm luak dim jat uh kha le?
11Vaithum thu him him ka gen puai, Pharisaite leh Sadukaite thawi lak in kivêng un, ka ti zawk ahi ti bangatia he theilo la hiu em? a tia.
12Ziaphatchun, vaithum thawi hilo in, Pharisaite leh Sadukaite thuhilna lak ah kivêng dingin a ti’na ahi zawi ti chu, a hun he tau a.
Peter in Jesu A Puandaw’na
(Mar 8.27-30; Luk 9.18-21)
13Jesu chu Kaisaria Philippi gam a hung tun phatin, a nungzuite kiang in, “Mihing Chapa hi mite’n kua ahi ei tiu em?” ti’n a dong a.
14 #
Mat 14.1,2; Mar 6.14,15; Luk 9.7,8 Amau chun, khenkhat in Baptispa Johan ahi, a hun tiu a, khenkhat in, Elijah ahi a tiu hi; mi dangte chun, Jeremiah a hem, jawlnei kua a hem khat hi’n a, a hun tiu, a tiu a.
15Ama’n a kiang un, aleh, nang un kua ahi lei tiu em? a tia.
16 #
Joh 6.68,69 Simon Peter in a dawnhu a, Messiah, Pathian Hing Chapa chu la hi, a tia.
17Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.
18Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.
19 #
Mat 18.18; Joh 20.23 Van-gam chabi chu la khut in pia’ng ka tin, lei ah la kân chu van ah le kân hi’ntin; lei ah la thap chu van ah le thap hi’n a, a tia.
20Chuleh, a nungzuite kiang ah chun, ama chu Messiah (Khrista) ahi ti kuama hil lo dingin a khâm chak kei tai.
Jesu’n A Thina Ding leh A Thawkitna ding A Genlawkna
(Mar 8.31—9.1; Luk 9.22-27)
21Zia hun ah kipat chun, Jesu’n a nungzuite kiang in Jerusalem ah a chia ding dan, upate, thiampu liante leh, lekhazikte khut ah haksatna tam tak a thok ding dante, tha ah a um ding dante, a ni thum ni’ kaithaw ah a um kit ding dante chu a hilpan tai.
22Ziaphatchun, Peter in ama chu pui chuam in a vau a, Lalpa, zia gual chu la chung in tung ki’hen, ti’n a gen a.
23Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.
Kros leh Eima Kihiatmilna
24 #
Mat 10.38; Luk 14.27 Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.
25 #
Mat 10.39; Luk 17.33; Joh 12.25 Kuale a hinna humbit gua chun chân intin; kuale keima ziak ah a hinna chân chun humbit in a.
26Min khawvel hi a pum in nei hen la, a hinna chân leh, ama â dingin bang a phachuam diam? Ahiloleh, min a hinna sik in bang a pia diam? a tia.
27 #
Mat 25.31; Sam 62.12; Rom 2.6 Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.
28Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.
Currently Selected:
MATTHAI 16: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
