1 KORINTH 2
2
Khrista Kikhetden Puanjakna
1Suapite haw, la kiang ua ka hung lai ah khan, Pathian thugûk taklang in, thugen lopi tak a hem pilna sâng tak a hem tawh ka hung puai.
2Jesu Khrista leh ama ngei khetden ah um thu beplo chu la kiang un bangma het ka gaw puai.
3 #
Nas 18.9
La lak un jawngkhal tak leh lau leh kithing kawm in ka um hi.
4Ka thugente kha le mihing pilna leh jawlthiamna panglo in, Thagau leh a thilhitheina mang in ka gen zaw ahi kha;
5tichun, la ginnau chu mihing pilna kinga lo ah, Pathian thilhitheina a kingak zawk theina dingin.
Pathian Pilna Chu
6Ahi’n la, pitingte kiang in pilna thu ka gen un; himaleh, zia pilna chu khawvel pilna thu, zia khawvel lalte pilna, bangmalo suak kit sekte hi ahi diak puai.
7Himaleh, Pathian pilna chu thugûk, pilna kisêlgu gual in ka gen un, zia chu Pathian in khawvel um ma ah I lopina ding ua a la namdet tâk chu ahi.
8Zia chu khawvel lalte kuama’n a hepuau hi; a la he hileu chu lopina Lalpa chu a la khênden lo ding a hiu in.
9 #
Isa 64.4
“Mit ah mu khâk lo, bil ah le het khâk lo,
mihing lunggil ah lut ngailo,
Pathian in ama hepi taphotte â ding ah,
a guat tapo chu,”
ti zik gual khan.
10Zia chu Pathian in a Thagau ah chun I kiang un a tâklang tai; Thagau chun bangkim a hawldok sek ah; ahi, Pathian thugil takte le.
11Mihing lungthim chu mihing lunggil sung ah thagau ma ma lo chun kua a hem hethei ding? Zia gual ma chun, Pathian thilte chu Pathian Thagau panpi lo chun kuama’n a hethei puau hi.
12Thagau I chan uh hi khawvel ah kipat a hipua’n, Pathian ah kipat Thagau chu ahi zawi; tichun, Pathian ah kipat a thawn ah piak ah um, zia thilte ngei chu I hethei uh ahi.
13Mihing pilna dan ah zilsakna thu hilo in, Thagau Thiangtho zilsakna dan zawk in, thagau thilte chu Thagau mite kiang in I gen zawu ahi.
14Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.
15Thagau mi chun bangkim a hekhen thei un, amau chu kuama’n a hechian thei puau hi.
16 #
Isa 40.13
“Kua a hem Lalpa lunggil hethei ah,
ama thu hil thei ding?”
Eihaw’n vang Khrista lunggil I puu hi.
Currently Selected:
1 KORINTH 2: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
