1 KORINTH 3
3
Korinth Kochuam Sung ah Kikhenna Thu
1Suapite haw, thagau mite gual in la kiang un thu ka gen thei puai; Khrista ah nausente, taksa mite kiang ah gen gual in ka gen la hiu.
2 #
Heb 5.12,13 Bugum hilo in, nawitui in ka hun vâk tadi la hiu; bugum nethei la hi nailo ziak un, tu’tiang hinle la nethei nai puau hi.
3Taksa mi la hi nâk lai ziak un, la lak ua ki’îtsikna leh kinaknate a um laisia chu, mihing khawsak ah khawsa la hi nâk lai ziak un, taksa mi hi nalai lo la hiu em?
4 #
1 Ko 1.12
Khenkhat in, “Kei Paul pawl ka hi,” a tiu ah; a dang khat in, “Kei Apollo pawl ka hi,” a tiu chun, mihing mai mai hilo la hiu em?
5Apollo chu bang a hem? Paul chu bang a hem? La gin theina ding ua, Lalpa‘n nasem ding ah a guat dungzui ah nasemte a hiu.
6 #
Nas 18.4-11; Nas 18.24-28 Keima’n ka phu ah, Apollo in tui a buak ah, Pathian in a khansak ahi.
7A phutpa chu bangma a hipua’n, a tuibuakpa chule bangma ahi diak puai; Pathian bep in a khansak thei ahi ngal a.
8A phupa leh a tuibuakpa chun a tup uh kibang ahi; mitin in ama sepgim ga chu, a sep dungzui un kimu chiat ding a hiu.
9Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi.
10Pathian hepina ka kiang ah piak ahi dungzui in, Insa lamkai khutthiam tak gual in keima’n suangphûm ka lem in, midang in a chung ah In a sau hi. Mitin in a chung ah a sak dan uh chun chingthei chiat tau hen.
11Suangphûm kiphusa lo chu kuama’n suangphûm dang a phu thei puai, zia suangphûm chu Jesu Khrista ahi.
12Zia suangphûm chung ah chun mitin in sana a hem, dangka a hem, suang mantam a hem, thing a hem, bupawl a hem, hampa a hem in sa taleu,
13mitin nasep chu tâklat in hung um intin; zia ni chun, mei ah etchetna um ding ahi, mei chun mi tin nasep chu ahi gual takin hun tâklang ta’n a.
14Kua Insakle In suangphûm chung ah a um zing chun, zia mi chun kipakman chu mu ding ahi.
15Kua naseple a kat tum chun, Insapa chun chân in ah; ama chu vang hukdam in um in ah; ahi’n la, mei ah chiatheng gual bep hi’n a.
16 #
1 Ko 6.19; 2 Ko 6.16 Nangmau chu Pathian chênna In leh, Pathian Thagau chênna la hiu ti helo la hiu em?
17Kua’nle Pathian chênna In chu a suksiat chun, ama chu Pathian inle susia ding ahi. Pathian chênna In chu a thiangtho ah, zia In chu nangmau la hiu hi.
18Nang leh nang kithêm kin. Pil kisa la hi chun, la pil theina dingin mingol hung chang phot in.
19 #
Job 5.13
Zia khawvel pilna hi Pathian ngai in ngolhuai tak ahi ngal a:
“Ama’n mipil chu a dawha thûknau in a man sek hi,”
ti zik gual in.
20 #
Sam 94.11
Chuleh,
“Lalpa‘n mipilte ngaituana chu bangmalo ahi ti a hia’i,”
ti zik gual in.
21Ziaziakchun, kuama’n mihingte suang ki’hen. Bangkim hi nang uh â ahi;
22Paul le, Apollo le, Kipha le, khawvel le, hinna le, thina le, thil um laite le, thil um dingte le; a leng un nang uh â ahi;
23nanghaw chu, Khrista â la hiu a; Khrista chu Pathian â ahi.
Currently Selected:
1 KORINTH 3: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
