1 KORINTH 1
1
Chibai Bûkna
1Paul, Pathian doigual ah Khrista Jesu sawlchâk hiding ah ko leh, I suapipau Sosthen chun,
2 #
Nas 18.1
Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:
3I pau Pathian leh Lalpa Jesu Khrista ah kipat hepina leh thamuanna nangmau ah um zing ta hen.
4Pathian hepina Jesu Khrista ah a hun piak ziakin, la chung thuu ah Pathian kiang in kipak thu ka gen zing hi.
5Bangkim in ama ah hi’hausak la hitau a, thugen theina lam leh hetna lam zosia’n le,
6Khrista chanchin ka hiatsakteu kha nangmau ngei ah sukdet a hita’n;
7I Lalpa Jesu Khrista kilâkna ngak zing kawm in, thilpiak him him ah la tasam puau hi.
8Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.
9A chapa Jesu Khrista I Lalpau tawh kivopna ah hun kolutpa Pathian chu a muan um hi.
Kochuam ah Kikhenna
10Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.
11Ka unaute haw, la chungchâng thuu ah la lak un kinialna a um hi ti Kloi Inkuante’n ei hil un.
12 #
Nas 18.24
Zia ka ti na chu, “Kei Paul pawl,” “Kei Apollo pawl,” “Kei Kipha pawl ka hi,” ti leh, “Kei Khrista pawl ka hi,” tite la um ui.
13Khrista chu a kikhen ah a hem? Paul chu nangmau â ding ah khetden in a um em? Ahiloleh, Paul min ah baptisma chang la um awm?
14 #
Nas 18.8; Nas 19.29; Rom 16.23 Krispa leh Gaias longal la lak ua kuama ka baptis lo ziak in, Pathian kiang in kipak thu ka gen hi.
15Chutiloleh, keima min ah baptisma chang in kigen kha ding la hiu a.
16 #
1 Ko 16.15
Stephanas-te sunghawle chu ka baptis ah; ziate tilo chu kuama ka baptis lam ka hepuai.
17Khrista chun baptis dingin ei sawl pua’n, Chanchinpha gen dingin ei sawl zaw ahi; pilna thu mang ah gen lo in: Achutiloleh, Khrista kros thilhitheina chu bangmalo chansak hi kha’n a.
Khrista, Pathian Thilhitheina leh Pilna
18Kros thu chu mangthaite â dingin ngolhuai ahi’n; eihaw hukdam hi zingte â dingin vang Pathian thilhitheina ahi zawi.
19 #
Isa 29.14
“Mipil pilna chu hi’mangthai ing ka tin,
lem hete lemhiatna chule paitha ding ka hi,”
ti zik ahi ngal a.
20 #
Job 12.17; Isa 19.12; 33.18; Isa 44.25 Aleh, mipil chu khoi ah um a hem? Lekha zikpa chu khoi ah um a hem? Zia khawvel ah mi nial hat chu khoi ah um a hem? Pathian in khawvel pilna hi thil ngolhuai a chansak ta hilo a hem?
21Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.
22Judate’n tepte’na a phût un, Grikte’n pilna a hawl ui.
23Kei un vang Khrista khetden ah um thu chu ka gen ui; zia chu Judate â dingin kilikna ahi’n, Jentelte â dingin ngolna ahi.
24Himaleh, Judate hi’n, Grikte hileule, ko ah umte â ding in Khrista chu Pathian thilhitheina leh Pathian pilna ahi.
25Pathian ngolna pen le mihingte pilna sâng in a pilzaw’n, Pathian hat lona pen le mihingte hatna sâng in a hatzaw nalai hi.
26Unaute haw, a hun kona hi ngaitua tiam un: taksa lam ah mipil, mi thilhithei leh mi lopite ko a hilo dan uh hi.
27Himaleh, mi pilte chu a mualpho theina ding un, Pathian in khawvel thil ah ngolhuai chu a têl zaw ta’n; chuleh, khawvel ah thil zawngkhâlte chu Pathian in a têl ah, a hatte a mualpho theina ding un.
28Khawvel thil niam leh mu tawm umte, thil umsate chu bangmalo a chansak theina dingin, thil umlo te natiang Pathian in a têl a;
29Pathian ma’n kuama a kisuan theilona ding un.
30Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.
31 #
Jer 9.24
Tichun, “A suang tapo in Lalpa chu suang tau hen,” ti zik gual ah khan.
Currently Selected:
1 KORINTH 1: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
