1 KORINTH 13
13
Hepina Hi Thilpiak Chungnungpen ahi
1Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.
2 #
Mat 17.20; 21.21; Mar 11.23 Chuleh, thugen theina nei in, thugûk zosia hethei in, tâng chawntheina khop ginna kim nei maleng, hepina ka neilo chun, bangma ka hi puai.
3Ka thil nei zosia pezo kei in, ka taksale pedok ziang maleng, hepina ka neilo chun bangma ka lawkpi puai.
4Hepina chu a dawthei in; hepina chu a ngilnei in; hepina chun a thangsia pua’n; a kipakcha pua’n; a kisathei pua’n;
5a tawi mêlsia puai. Ama ma khua bep a khual pua’n, a lungna vak pua’n, phat lona lam a ngaitua pua’n;
6dik lona a kipakpi pua’n, thutak vang a kipakpi sek hi;
7bangkim a thuak ham ham in, bangkim a gingchan, bangkim a kinem in, bangkim a thuak mual suak sek hi.
8Hepina chu bei pua’n a. Thugen theinate chu hung mangthai in a; pauhetlote chu hung bei intin; hetna chu hung bei in a.
9Bukim lo in I hiau ah, bukim lo ma’n I gen sek ui.
10A bukim chu a hung tun phat leh, a bukim lo hi sukbei hita’n a.
11Ka naupan lai in naupang pau in ka pau ah, naupang het in ka hia’n, naupang ngaitua in ka ngaitua a; ka hung pitin nung hin naupang hi’dante chu ka haisan tai.
12Tu’hin vang, lîmet ah kichian lo in I muu in, ziaphat chuleh, kimaitua tai tiu. Tu’hin bukim lo in ka hia’n, ziaphat chuleh vang, het ah ka um gual hin bukim tak in he ta’ng ka.
13Tu’hin, zia pathum: Ginna, kinepna leh hepinate hi a um zing un; ziate lak ah thupi pen chu hepina ahi.
Currently Selected:
1 KORINTH 13: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
