1 KORINTH 12
12
Thagau Thilpiakte
1Tu’hin, suapite, thagau lam thilpiakte chu la hetlo uh ka dawi puai.
2Pathian awi lo la hi’lai uh khan, thep ah um in milim pau theilote lam ah puiman la hiu kha la hiau hi.
3Ziaziakchun, kuama’n Pathian thagau ah thu gen in “Jesu chu hânsedawl ahi,” a ti ngai puau hi; kua’nle Thagau Thiangtho beplo ngal in “Jesu chu Lalpa ahi,” a ti ngai puau hi ti ka hiatsak la hiu.
4 #
Rom 12.6-8
Thilpiak chuam chuam a um ah, Thagau vang pakhat ahi;
5nasepna chuam chuam le a um in, Lalpa vang chu pakhat ahi.
6Sep dan chuam chuam le a um in, mi zosia ah bangkim ah sêmpa chu Pathian ahi.
7Ahi’n la, mi zosia’n a phatchuampi theina dingin Thagau kilatnate chu mitin kiang ah piak ahi.
8Mi pakhat kiang in Thagau in pilna thu a pia’n, zia Thagau ma chun midang kiang in hetna thu a pia’n;
9midang kiang in, zia Thagau ma chun ginna piak ahi’n; midang kiang in Thagau pakhat chun hi’dam theina piak ahi’n;
10midang kiang in thilmak hi’theina, midang kiang in thugen theina, midang kiang in thagaute hetkhen theina, midang kiang in pau chi chuam chuamte leh midang kiang in pau chuam chuam hilchet theina piak ahi.
11Zia zosia hin Thagau pakhat ma chun mi zosia kiang in a nop gual gual ah hawm in a sêm sek hi.
Taksa Pakhat Bâk Chuam Chuam
12 #
Rom 12.4,5 Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.
13Thagau pakhat ah I leng ua taksa pumkhat ah baptis I hitau a; Juda hi’n Jentel hi taleu, suak hi’n, suak lo hitaleu hinle; Thagau pakhat ah dawn khawm chiat ding ah siam I hiu.
14Taksa hi bâk pakhat bep a hipua’n, bâk tam tak kigawm khawm ahi.
15Kêng hin, “Khut ka hipua’n taksa lak in ka pang puai,” titaleh, taksa lak ah panglo ahi diak puai.
16Zia gual ma chun bil hinle, “Mit ka hipua’n taksa lak ah ka pang puai,” titaleh, taksa lak ah pang lo ahi diak puai.
17Taksa pumpi hi mit hiziang ta leh, hetna chu khoi ah a um ta diam? Taksa pumpi hi bil hiziang taleh, gim hettheina chu khoi ah a um ta diam?
18Himaleh, Pathian in taksa bâk tinte hi a nop dan dan in ei lep piak ahi.
19Zia zosia chu bâk pakhat bep hitaleh, taksa hi khoi ah a um ta diam?
20Bâk tam tak himaleu, taksa pumkhat a hiu hi.
21Mit hin khut kiang in, “Kei â dingin panna la nei puai,” a tithei pua’n; luchang hinle keng kiang in, “Kei â dingin panna la nei puai,” a tithei diak puai.
22Zia malak sâng ah chun, taksa bâkte lak ah a hatlo pen gual ah kilangte hi a bei ah hi’theilo ngawn a hiu.
23Chuleh, I taksa bâkteu lak ah a ja umlo deute hi, a ja um gual in I daidawp ui; I taksa bâk mêl kilawmlote hi pha tak in I chei bawl zaw sek ui.
24I taksa bâk mêlphate vang chu zia gual ah etkol chu a ngai puau hi. Himaleh, Pathian in mêlphatna neilo bâk chu chawihoi zaw’n, taksa hi a lepkhawm ahi zawi.
25Taksa hin kikhenna umlo ah, a bâkte hi kibang chiat ah a ki-etkol tua theina ding un.
26Chutichun, bâk pakhat in a thok chun a leng un a thokpiu in, bâk pakhat chawihoi ahi chun a leng un a kipakpiu hi.
27Nanghaw hi Khrista taksa ah a bâkte la hi chiat ui.
28 #
Eph 4.11
Pathian in kochuam ah chun zia gual hin a guat a: Pakhatna chun apostolte, a panina chun thugente, a pathumna chun mihilte a koi ah; ziazaw chun thilmak bawlte, ziazaw chun hi’dam theina thilpiakte, panpi theina thilpiakte, vaihawm theina thilpiakte, pau chuam chuam ah thugen theina thilpiakte a um kit hi.
29A leng un sawlchâk a hiu em? A leng un thugen a hiu em? A leng un mihiltu a hiu em? A leng un thilmak a bawl awm?
30A leng un hi’dam theina thilpiak a nei awm? A leng un pauhetlo in thu a gen thei awm? A leng un a let thei chiat awm?
31Thilpiak lopi zaw te chu lunggul diak un. Chun, lampi phazaw diak chu hun kawkmu ing ka.
Currently Selected:
1 KORINTH 12: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
