1 KORINTH 11
11
Lukhuk Khuk Thu
1 #
1 Ko 4.16; Php 3.17 Khrista ka etton gual in, keima ei enton un.
2Bangkim ah ei hezing in, thugo ka hun piak la vop zing ziak un ka hun pakcha la hiu.
3Ahi’n la, Khrista chu pawsal zosia luchang ahi’n, pawsal chu a ji luchang ahi’n; Pathian chu Khrista luchang ahi ti, la het uh ka dawi hi.
4Pawsal lukhuk khuk kawm ah pauchap leh thugen tapo chun, a luchang chu a hi’mualpho hi.
5Ahi’n la, numei a luchang khu’lo ah pauchap leh thugen chun, a luchang a himualpho ah, a luchang mêtkol tawh kibang ahi.
6Numei a luchang khu nuam lo chun mêtkol ngal ngal hen; numei â dingin sam mêt leh mêtkol jachak a um chun lukhuk khuk hen.
7 #
Thl 1.26,27 Pawsal chu Pathian kibatpi leh lopina ahiziak in, lukhuk khuk ki’hen; numei vang chu pawsal lopina ahi.
8 #
Thl 2.18-23
Pawsal chu numei ah kipat pawt a hipua’n, numei vang pawsal ah kipat pawt ahi.
9Pawsal hi numei ah kipat siam a hipua’n; numei vang pawsal ah kipat siam ahi.
10Ziaziakchun, vansawlchâkte ziakin numei chun thuneina suklatna a khuk diu ahi.
11Himaleh, Lalpa ah chun numei hi pawsal bei in a um thei pua’n; pawsal le numei bei in a um thei diak puai.
12Numei hi pawsal ah kipat siam ahi gual in, pawsal le numei ah kipat piang ahi; ahi’n la, bangkim hi Pathian ah kipat pawt ahi.
13Kingaitua mai un: Numei in a luchang khu’lo ah Pathian kiang ah a pauchap chu a kilawm em?
14Pawsal hin a sam a hoisau chu ama â ding ah jachak um ahi ti, thilsiam inle a hiatsak hilo a hem?
15Numei chun samsau a nei leh, ama â dingin lopina ahi. A sam chu kikhû’na ding ah piak ahi ngal a.
16Kuale kinial thanuam a um chun, zia gual dan him him chu I nei puau hi; Pathian kochuamte’n le a nei diak puau hi.
Lalpa Jan An Mat Diklona Thu
17A nuai ah thuhilnate hin ka hun pakcha puai; la kikhop phat ua leh, a phazaw lam hilo in, a sezaw ding lam ngen ahi.
18Amasa pen in, kochuam la kikhop phat ua leh, la lak un kikhenna a um sek hi ti mi gen ka he’n, ginle ka gingcha tho hi.
19La lak ua a tak takte a kilat theina dingin, kikhenna le a um ding him ahi.
20Lalpa an thiang nekhawm ding ah kikhawm la hi ngai puau hi.
21Mitin in jan an la kinêk masak ua; mi pakhat a gilkial nalai in, midang pakhat chu a kham ta’n.
22Bangti a hem? Nêk leh dawnna ding In, la nei puau ah a hem? ahilo leh, Pathian kochuam hi mutawm ah, bangma neilote chu sukmualpho gua la hiu em? La kiang un bang gen ding ka hi em? Pâkcha ding ka hem? Zia thu ah hin ka hun pâkcha thei puai.
Lalpa Jan An Hung Kipatna
(Mat 26.26-29; Mar 14.22-25; Luk 22.14-23)
23La kiang ua ka piaksawn kha Lalpa ah kipat ka mu ahi. Lalpa Jesu matsak ah a um ding jan ah khan vaithum a lâ,
24kipak thu a gen zaw in, a phelsua ah, “Zia hi ka taksa, nang uh â ding ah piak chu ahi. Lei hetzingnau in zia hi bawl sek un,” a ti’n.
25 #
Pdt 24.8; Jer 31.31-34; Pdt 24.6-8 Zia gual ma chun, jan an a nêk zawu in, no chu a la, “Zia no hi ka thisan ah thuthung thak chu ahi; zia hi la dawn si’n ua leh lei hetzingnau in hisek un,” a ti’n.
26Zia vaithum hi la nêk ua, no ah chu la dawn si’n ua leh, a hung kit masia ding ah Lalpa thina chu la tâklang uh ahi.
Tâk lo ah Anthiang ûmte
27Ziaziakchun, kuale zia vaithum leh zia no ah, a tâk lo sapi ne leh dawn chu, Lalpa taksa leh thisan in thiamlo chang in a.
28Mitin ama leh ama ki-enchian zet in, zia vaithum hi ne hen la, zia no hile dawn hen.
29Lalpa taksa chu ngaitua lo hial ah a nêk leh a dawn chun, ama chung ah vaihawmna dingin a ne’n a dawn ahi.
30Zia ziak hin la lak ua tam tak la jawngkhal un, la damlo khawlaw tau in, khenkhat a thi khawlaw tau hi.
31Eimau kingaitua leu hin, vaihawm piak ah umlo ding I hiu hi.
32Ahi’n, Lalpa‘n ei vaihawm piak phat leh, khawvel tawh thiamlo changkhawm lo ding ah ei thunun a hizaw sek hi.
33Ziaziakchun, ka suapite haw, an ne ding ah la hung khawm phat ua leh, ki-ngâk tua sek unla;
34la kikhopnau ah thiamlo la chan lona diu in, a gilkial tapo in In ah neu hen. Thu dangte kha ka hung phat leh hil ing ka.
Currently Selected:
1 KORINTH 11: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
