Salmai 98
98
Ngam Tēv Mahayöng Ngih Pūlngö
1Ō tiköknyö tufömngöre tinkökö im Mā Tēv; tön tī tö pinngangkūö An nö ngaich: ngam hāmö Ò, ngam töhet kël Ò inrē nö tī-iv tö inyööken.
2Mikahtölōn An ngam Mā Tēv tö ngam inyööken aṅ in Ò: ngam lanöökö Ò, hangāṅlnyu inmeukti nö i kūö vē pumnāmö tarik.
3Köpölōn An tö ngam miṙēlōn, ngam kanô-en Ò inrē nö i patī Israĕl: ṙòkhöre nup manā-angkūö ngih panam nö meuk ngam inyööken aṅ im Mā Tev hī.
4Ṙāmölōn yin öi pōitô i ngam Mā Tēv, ṙòkhöre yī-ö panam: kaknyöre tikökṙôre kūö re öi ṙāmölōn; hòṅ, tiköknyö nup nöinyö.
5Tiköknyö nup nöinyö im Mā Tēv, hol ṙô tö hārp: hol ṙô tö hārp, lanöökö ëlô inrē.
6Hol ṙô tö nup römpet, hol ṙô tö kôrnet inrē: pōitô, ṙāmölōn ṙô i kūö ngam Rācha, ngam Mā Tēv.
7Hökngen ngam mai nö ayôra, nup tanööḵlö e inrē: ngam panam, cha-a inrē, yip mi-iyöng in e.
8Hökngen minë tinṙēichlö nö fatah eltī re: hökngen minë rung nö tiköknyö ṙanāmölōn nö hol ṙô re; nö i kūö ngam Mā Tēv.
9Tön yih An nö akah fālen ngih panam: akah fālen ngih panam An min im chaniplen, akah fālen vē tarik inrē nö haṙong tī re.
Currently Selected:
Salmai 98: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
