Salmai 99
99
Ngam Tēv Tö Kiröng Nö Rācha
1Hayöng An ngam Mā Tēv; kichëyöre yin yēḵ më tarik: ūichhak An nö i uk kerupīm; kē-ĕngre an yēḵ ngam panam.
2Kiröng An ngam Mā Tēv nö i Siyôn: marô-òl chūök An i kui taṙòkhöre tarik.
3Hökngen cha nö Ha-öiny ngam tö kiröng: pinhe-eṅkūö inrē mine-eny Meh! Töhet An!
4Ngam kumlēḵ ngam Rācha i hanāngen tö inkaha fālen; ngaich man köpngö tī tö töṙong: ngaich Man tī tö inkaha fālen in Yāköp lanöökö inrē.
5Hapōilö ngam Tēv hī yin, ngam Mā Tēv; salāman inrē im anūichö Ò! Töhet An!
6Aṅ i yip kūönṙô Ò an Môsös, Āròn inrē, aṅ in cha inrē Samu-ĕl yip mahavëkö mine-eny Ò: havëkö ngam Mā Tēv cha-a, ngaich sap ṙô cha Anga-aṅ
7Vë-ekūö cha Anga-aṅ nö el taṙul: haköp nup chöngö Ò cha-a, ap inchöngten inrē kahëtö Ò nö in cha.
8Ō Mā Tēv, Tēv ih ngaich man yēḵ sap ṙô cha Me-eṅ Man Tēv ma-aṙēlen cha, pòrô Me-eṅ havahlö nuk la-en cha.
9Hapōilö ngam Mā Tēv yin, ngam Tēv hī, salām öi im töhet rung Ò: tön töhet An ngam Mā Tēv, ngam Tēv hī.
Currently Selected:
Salmai 99: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
