Salmai 97
97
Ngam Tēv Tö Kiröng Nö Mahayöng
1Hayöng An ngam Mā Tēv; ṙāmölōn an yēḵ ngam panam: ṙāmölōn nup yēḵ tömaṙôngö kun panam.
2Havīlen Ò nup taṙul, sinngūlö inrē: lanöökö, inkaha fālen inrē, chūök ngam kantēra Ò.
3Urēhĕkūö Ò ap tameūyö nö kiröönngöre: föngngö yip lā-al Ò töchuvīhaka.
4Hat ngih panam tö kūö nup hanyālö Ò: meūkö e ngam panam ngaich kichëyöre.
5Yëngö minë rung sā paröm, nö i kūö ngam Mā Tēv: i kūö ngam Mā ngih panam nö ṙòkhöre.
6Vënyö lanöökö Ò minë halīöngö: ṙòkhöre inrē vē tarik nö meuk kanôlò Ò.
7Sirōngkūö yip yēḵ lamök la-en insā tēv: yip ameū-eure nö i nup insā tēv: salāman yin yī-ö, ṙòkhöre tēv.
8Hāngö e Siyôn ngaich ṙamölōn, ṙāmölōn inrē yip kikānö kūön Siyôn, Ō Mā Tēv: pò ngam inkaha fālen nö in Meh.
9Mā Tēv, pò Meh latulöng takô töng panam, nö ṙòkhöre: hapōilöng Man i kui vē tēv nö ṙòkhöre.
10Surīkhö tötlöök yin, Ō yī-ö tö hāngenlōn tö ngam Mā Tēv: maha-aṅ nômö yip töhet re An; ṙānyen cha An ṙā-ang el tī yip tötlöök.
11Teūichtu An ngam hanātö kūö ngam tölöök: ngam ṙanāmölōn inrē kūö ngam tö chiplö ellōn.
12Yī-ö tölöök, ṙāmölōn yin yēḵ im Mā Tēv: Ha-öiny ngam töhet mine-eny Ò.
Currently Selected:
Salmai 97: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
