Salmai 96
96
Ngam Tēv Angā-aṅ Tö Kiṙöng Nö Rācha
1Ō tikökṙôre i ngam Mā Tēv tö tufömngöre tinkökö: ṙòkhöre panam, tikökhökūö ngam Mā Tēv.
2Tikökhökūö ngam Mā Tēv, hakôlò ngam mine-eny Ò: kaheuk sakāmö hameuktö ngam inyööken aṅ in Ò.
3Vënyö ngam kanôlò Ò i vē pumnāmö tarik: minë pinngangkūö la-en in vē tarik nö ṙòkhöre.
4Tön kiröng An ngam Mā Tēv, tö hòṅ tulöng nö ha-öinyö: tö hòṅ pahe-ev An nö mötlö tö tēv nö ṙòkhöre.
5Pòn ṙòkhöre nö tēv vē tarik nöng tö rö-ö vīlen ngam halīöngö pöri ngam Mā Tēv.
6Inrōilö, minā-aṅ inrē urēhĕkūö Ò: kumlēḵ, vanāyö inrē, el ngam töhet chūök Ò.
7Kē-ĕkūö ngam Mā Tēv yī-ö mak-alaha vē tarik: kē-ĕkūö ngam Mā Tēv, tö ineū-euṅ, kumlēḵ inrē.
8Kē-ĕkūö ngam Mā Tēv tö ngam ineū-euṅ, lamöö im mine-eny Ò: kum tö tökētu, yih el nup patī inrē.
9Ō, salām ngam Mā Tēv i vanāyö hanātö: ṙòkhöre panam kichëyöre i kūö Ò.
10Ngö ṙô tö yip pumnāmö tarik, Hayöng An ngam Mā Tēv, köp an ngam panam lökten e nö öt hanlöinyken: Anga-aṅ An min ma-akaha fālen vē tarik Ò, nö ṙōngö tī.
11Ṙāmölōn an yēḵ ngam halīöngö, ṙāmölōn inrē yēk ngam panam: hökngen ngam mai yēk nö ayôṙa, nup tanö-öl e inrē.
12Hökngen ngam taṙeū nö pōi ṙanāmölōn, aṅ e inrē: ngaich min nö ṙòkhöre nup chōn el-inchōn, nö tiköknyö ṙanāmölōn re.
13I kūö ngam Mā Tēv, pòn yih Anga-aṅ; pòn yih Anga-aṅ nö akah fālen ngam panam: akah fālen ngam panam An min im lanöökö, vē tarik inrē hol tö ngam kanô-en Ò.
Currently Selected:
Salmai 96: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
