Salmai 95
95
Tinkökö Nöinyö
1Tā-a töi tikökhökūö ngam Tēv: tā-a töi hol tö el lōn re ṙāmölōn i kumlēḵ ngam inyööken hī.
2Tā-a, töi yihtöre i kūö Ò, kumtö nöinyö Ò: tā-a, töi hameuktö ṙanāmölōn re in ò, öi ṙô tö në salmai.
3Tön Yāhvē An tö kiröng nö Tēv: ane inrē Rācha vē taṙòkhöre tēv.
4Eltī Ò në kūöngö ngih panam: amin Ò inrē në kanöpö në rôngö.
5Mai hòng inrē, ngaich nöng amin Ò: kuntī Ò ngih eltanyô inrē.
6Tā-a, töi sōntökūöre ve-ekūö Ò: līvngöre i kūö Yāhvē ngam Vami-i hī.
7Tön Anga-aṅ An Tēv hī: ha-aṅhal Ò in a-yī-ö tarik, pököre inrē me-el tī Ò.
8Hang ṙô Ò yin tötaheui: Ui hangë-eng ellōnre, sā re i Meripah; sā hē ök sakāmö Kinlaha el tönyaṅlnyi.
9Hē yik muvöhngö yīö nö kalaha chu: kalahken chu, ngaich meuk la-en chu inrē.
10Fën anāi samyeūheu rô-òten chin harivlōn i ngih tumköl chap: ngaich öich ngö ṙô, Tarik yin tövāchö kū-ö ellōn; öt akahakūö yin tö në talöökö chu.
11Lökten chu i lanīnöre: chūökuṙô tö cha nö öt kuhēthötre, nö im haneūheuṅ chu.
Currently Selected:
Salmai 95: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
