Salmai 91
91
Ngam Tēv An Lamaklen Hi
1Ngòh mi-iyöng el ngam tönyatngö chūök ngam Lamātulöng: köp min nö el katòh nyat ngam Tökeuheūttöre Chöngö.
2Ngö ṙô chin min tö ngam Mā Tēv, Innyatlö chu An, tananglö chu inrē: Tēv chu, chūök chu hayönglenre.
3Pòn ṙānyen meh min Anga-aṅ öm ṙā-ang el öp tinngöp, tinngöp chehechōn: ṙā-ang i nup töṙënuṙô invah lanëlngö.
4Hanyattu kui man min tö sanëòk Ò, el katòh kël Ò min me-eṅ hanyatlöre; lanaklö an ngam kanô-en Ò, kun lanaklö inrē.
5Öthō man pa-ekūö tö pinhe-eṅkūö tö hatööm: ötrēhĕn tö chòk tö lirënyi tö sakāmö.
6Töp invah lanëlngö öp lamök el sinngūlö: ötrĕhēh töp inlëlngö, tö yëḵngen tī hē el sakāmö.
7Köṅnyu nup min famuk sīṙö meh; söm köṅny inrē nö lahāmö meh: hö-ö pöri min angū-ö nö haröhtöre nö in Meh.
8Höng hatīöna min minë mat Meh: meuk raneushö yip tötlöök.
9Pò Meh, Ō Mā Tēv, Öm Me-eṅ innyatlö chu: vīlö ngam Lamātulöng Man ngaich nö elyöngö Meh.
10Öt lökö man min tö tölöök, ötrēhĕn min tö lëlngökūö invah: nö haröhtöre nö im inrūkui Meh.
11Pòn kētö yip ma-aṅhānga re min Anga-aṅ nö hayōmö Meh: nö aṅten Meh nö el nup talöökö Meh.
12Taha Meh yip min nö aṅtī tö eltīre: hòṅ Meh öt sōngtöre röön i ihong.
13Lök i kui lāyöm man min, pēch inrē: ngaich Me-eṅ min rööntö kui ngam ṙālö lāyön, tö ngam pēch inrē nö elröön Meh.
14Pò Ò nö in chu tī töp hanāngenre, lökten chin min ṙānyen ò: latulöng tī chin min tö ò, pò ò nö akahakūö tö mine-eny chu.
15Havëken chu An min, ngaich sapṙô Ò min chū-ö; in Ò chin min hē el kanihngen: ṙānyen ò chin min, ineū-euṅv min inrē anga-aṅ.
16Hatööḵngen ò chin min tö nômö tö marôtòng: hameukhömat ò inrē tö ngam inyööken aṅ in chu.
Currently Selected:
Salmai 91: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
