Salmai 90
90
Finënö Līpöre
(90–106)
Ngam Tēv Ngaich Ngòk Tarik
1Mā Tēv, Me-eṅ elyöngö ih: i tumkölchap.
2Urĕh tö insīöpnyö në rôngö hēk, urĕh tö tī meh vīlö ngih tumlat, tö ngih panam inrē: ngaich höng me-eṅ Tēv, töt ranehluvö, töt manāngenvö.
3Havāng tö tarik me-eṅ nö pitung; ngaich ngö ṙô: Havantöre yin yī-ö kūön tarik.
4Pòn i kūö meh nö hĕng köṅny samyeūheu: ngaich pöri nöng sā vahë yē e nö ngaich: sā inahati tö hatööm.
5Kē-ĕyö nun tö meh sā tö hëmngö: sā inṙôhò nun, sā kiyôp nun tö el peuheū, nup samīöp.
6Im peuheū angu-ö nö vai, sīöplö inrē; im harap angū-ö nö fāngi, ngaich nyangngö.
7Pò ih ngaich keuheūt im kumnyahlōn meh: kūö lanīnö meh īhö kihngen inrē.
8I kūö ih nun në ötlanöökö ih tö tī meh: në tö ulāikaṙen tökööl ih, i hanātö ngam kūö meh.
9Pò në sakāmö ih nö chuhngöre kūö lanīnö meh: keuheūtirit nun në samyeūheu ih tö ih, nöng sā nup minôn ṙô.
10Samat anāi nun në samyeūheu ih, hēk höngkūö kumlēḵ nö hëvhör anāi: sön pöri ngam kumlēḵ u, nöng ṙanëyö, miṙivlōn inrē; pò e nö ka-euingö rit, ngaich öt ōtre īhö.
11Achīö ap tö akahalōn tö kumlēḵ ngam kumnyahlōn meh: ngam lanīnö meh inrē, sā ngam pinhe-eṅ meh?
12Ngatī mikahten ih kaheuk sakāmö re: hòṅ ih kē ellōn re tö tö-akaha.
13Ō Mā Tēv, havan man: i ṙôktören: havöötö ellōn re man yēḵ i vē tarik meh.
14Hatööḵngen ih man tö el peuheū, tö ngam miṙēlōn re: hòṅ ih ṙāmölōn i rò-òtö në sakāmö ih.
15Vīten ih ṙāmölōn sā nuk sakāmö hē meh chökṙen ih: sā, samyeūheu inrē hē ih meuk tötlöök.
16Hökngen nup la-enre man nö meūkö tö vē tarik meh: ngam kanôlò meh inrē nö meūkö nö i kui vē kūön cha.
17Hökngen ngam lanöökö ngam Mā Tēv ih nö i kui ih: haköpngö ngam la-en ih man nö i kui ih; hôṅ, ap la-en në kuntī ih, haköpngö e me-eṅ.
Currently Selected:
Salmai 90: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
