Salmai 84
84
Hāngen Tö Patī Ngam Tēv
1Ō Tēv yip tömaṙôngö: hanāngen nun në inrūkui Meh!
2Yikölōn ön ngih nômö chu, hôṅ, hangen tö ngam el patī ngam Mā Tēv: hūḵnyôre ngih ellōn chu, akaha chu inrē nö im tö aṅ Tēv.
3Hôṅ, kôtökūö ngam röichö tö patī re, kôtökūö inrē ngam likup tö fôngöre, chūök tī re nö ṙātö ap kūön re, tö minë tahāklö Meh: Ō Mā Tēv yip tömaṙôngö, Rācha chu, Tēv chu inrē.
4Tökôlò yip cha-a mi-iyöng el ngam patī Meh: irūöhen yip min nö ha-öinyö Meh.
5Tökôlò ap tarik öp mi-in Meh kumlēḵ: öp tö aṅhaṅv ellōn tö nup talöökö Siyôn.
6Lök el achāṙö Pineūyö, vīten e cha-a nö chūök tö pöklö mak: hôṅ, ngam tö ka-euiti kumṙah, kahultö kui e tö inkôlò.
7Hol tö kulēḵre cha-a nö kiröönngöre: kö i kūö ngam Tēv cha-a nö meūkö nö i Siyôn.
8Hang vine-eṅkūöre tö ih Ō Mā, Tēv yip tömaṙôngö: asītö elnang re, Ō Tēv Yāköp.
9Yĕh meuk ngam lanaklö ih, Ō Mā Tēv: ngëichkökūö ngam tö hachāmö el kui tö meh.
10Höng hĕng sumkam el ngam patī Meh, ngaich nö mötlö tö tö hĕng köṅny sumkam: ĕhten chin öre chū-ö höng yōm inkūp ngam patī ngam Tēv chu, tö inyöngö el inrūkui tötlöök.
11Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.
12Ō Mā Tēv yip tö maṙôngö: tökôlò ön ngòh tarik, ngòh mahayönglenre nö in Meh!
Currently Selected:
Salmai 84: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
