Salmai 85
85
Invëkö Inchohlö Kui Ngam Panam
1Mā Tēv, aṙē-ĕlōn Man ngaich im panam re: havantu yip tö Meh nö ngaich, yip aṅ in Yāköp töhakövö.
2Ngaich Man aṙē-ĕl tökööl yip tarik re: ngaich man hanyatngö nuk in cha tökööl nö ṙòkhöre.
3Keuheūtngöre tī Man ngaich kēngö ök lanīnö re: hapungngöre Man ngaich tö ngam tö kalēḵ tanāinyö re.
4Havöötöre in ih, Ō Tēv, inyööken ih: ṙāngö ngam lanīnö re in ih.
5Hòṅ örheūheu Öm līn in ih: hòṅ kēnyö öp tanānyöre Öm i tum kölchap nö ṙòkhöre?
6Hö-ö ömeh hòṅ ha-aṅhaṅ ih hēk: hòṅ vē tarik Meh nö ṙāmölōn nö in Meh?
7Ō Mā Tēv, hameuktö ngam miṙēlōn re Man yĕh: ane inrē kētö ngam inyööken aṅ in Meh, nö in ih.
8Hòṅ hangihtöre chin tö ṙô ngam Tēv, ngam Mā Tēv: pò Ò min nö ṙô tö lanāmö, nö i vē tarik re, i yip töhet inrē; uh pöri cha-a nö halöngtuṙen nö havanngöre nö im kumlō-ov nö hēk.
9Kô-en an ngam inyööken aṅ in Ò nö röhta nö in cha, yip tö pa-ekūö tö Ò: pòn hōtu ngam ineū-euṅ nö iyöng ing panam hī.
10Sōnghenhöökūö tö höö miṙēlōn, kanô-en inrē: hām kūö höö lanöökö tö ngam lanāmö inrē.
11Tisòklöre ngam kanô-en nö ṙā-ang el tumlat: ngaich inrē ngam lanöökö nö el halīöngö nö môktökūö re.
12Hôṅ, kētö tölöök An min ngam Mā Tēv: ngaich ngih panam hī min nö ṙūölö ṙôken nup kanôlò e.
13Urēhĕkūö Ò min ngam lanöökö: ngaich vīten nup röön re nö tölöök talöölö.
Currently Selected:
Salmai 85: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
