Salmai 8
8
Kanòlò Ngam Tēv Tö Ṙô Ngòh Tarik
1Mā Tēv, iṙën lanöökö öng ngam minë-eny meh nö i në panam: Më-eṅ ma-asöklö minā-aṅre lātulöng töm halīöngö.
2Löknyö elvāng tënö, ane inrē pamôḵ öm haköpngö ngam kumlēḵre, i kūö yip lā-al meh: hòṅ meh tahngö ngam töku-nyahaṅ elmat, tö ngam mahavahalvah inrē.
3Yē chu ngëichkö minë halīöngö meh, vahīṙen minë kuntī meh: ngam chingëṅt tö minë taneūsömat inrē minë hachöngten meh;
4Suh ang ngòh tarik töp lökten meh chumkūöṙen tö ò: tö ngòh kūön tarik inrē, töp lökten meh chöhken ò?
5Pò meh vīlen ò nö lātaṙeū hö-ö tö më ma-ahānga: ngaich hatullö kui ò më-eṅ tö minā-aṅ, ineū-euṅ inrē.
6Vīlen ò më-eṅ nö chöngu nö i në vahīṙen në kuntī meh: elröön ò tī man ngaich tö në taṙòkhöre;
7Sīṅp, nuā inrē, ṙòkhöre: hôṅ, në töṙeūla inrē elkahôyö;
8Chehechōn el kuföt, kā inrē el mai: nup töng sitih lamök elmai.
9Ō Mā Tēv, Mā ih: iṙën lanöökö öng ngam minë-eny meh nö i në taṙòkhöre panam!
Currently Selected:
Salmai 8: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
