Salmai 7
7
Ṙô Invëkö Kinṙòklö Kui
1Ō Mā Tēv, Tēv chu, in meh chin hanyatlöre: hayööken chu ṙā-ang in yip lamū-u chu, ṙānyen chu inrē;
2Hòn öt sā kūö lāyön anga-aṅ nö chiṙësö chu, panyënyö kūö tö e: i saha e nö öt ṙamānyu.
3Ō Mā Tēv, Tēv chu, yē chu ngaich lūölken e: yē chu aṅhav eltī tö tötlöök;
4Yē chu raneushö tī tö tötlöök in ò öp tölām nö in chu: hôṅ, ṙānyen ò chin ngam töt löknyu chöönyi nö lā-al chu:
5Hökngen ngam lā-al chu nö lūḵ ngih nômö chu, ngaich kô-òl nö in e: hôṅ, hökngen ò nö rööntö nômö chu nö el tumlat, ngaich hulal tö ngam ineū-euṅ chu nö el tumlat.
6I Lanīnöre, Ō Mā Tēv, hōk-löre, hachoholre lā-al inngë-ṙö më lā-al chu: chöönyöten tö chu chōholre; më-eṅ man töchöngu tö inkaha fālen.
7Havīlen meh yin yēḵ më töma-ṙôngö: i kui cha më-eṅ havan lātulöng.
8Akah fālen an ngam Mā Tēv nö i vē tarik: akaha chu, Ō Mā Tēv, asā ngam lanöökö chu, keuheūtlö nup in chu.
9Hökngen ngam ötlanöökö ngam tötlöök nö keuheūt, haköpngö ngam lanöökö pö-ri më-eṅ: pò ngam tölöök Tēv nö kamlah nup ellōn el rahēḵ inrē.
10Im Tēv an ngam lanaklö chu: ngam mahayööken tö-chiplö ellōn.
11Töchiplö an ngam Tēv nö ma-akaha fālen: hôṅ, Tēv an, nö töt hĕnghang sumkam kumnyahlōn.
12Yĕn öt havan ngam tarik, hakeut kūö sanëtre min anga-aṅ: ngaich an nö sōntö lin-renyre, ngaich an nö höngöre.
13Ngaich inrē nö halēnṙenre tö nyahaṅ kinpaha: vī kūö tö tötameūyu kūö an chòk.
14Yĕh meuk, chöknyu an nö holtö öt lanöökö: hòṅ, pirū-kö ötlanöökö an, ngaich kayôḵnyö minyôinyaṅ.
15Vī anūlö an, ngaich ūlö e: ngaich suktöre nö el öp vahīre anūlö.
16Havan ap min ötlanöökö ò nö i kui ò: nup chanökhuṙen ò inrē nö teung el chalòng kui ò.
17Ha-öiny ngam Mā Tēv chin min asā nup lanöökö ò ti-köknyö nöinyö minë-eny ngam Mā Tēv chin min ngam lātulöng.
Currently Selected:
Salmai 7: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
