Salmai 74
74
Invëkö Ṙinānyö Ngam Panam
1Ō Tēv, kūöyòh ömeh kavalngen ih örheūheu: kūöyòh öp lanīnö Meh nö lullöre nö in në sīṅp ha-aṅhal Meh?
2Köpölōn tö vē tarik Meh, vē töhavaha tö Meh misī: vē havah Meh nö miyöngö vē amin Meh, ngam Rung Siyôn inrē.
3Hachônglö röön re Man i minë töng iṙūhen, tö taṙöli: minë tötlöök tī ngam tökunyahaṅ elmat, el ngam töhet chūök.
4Pōitô yip tökunyahaṅ elmat tö Meh nö ellōn ap manūlö Meh: hatamlö ngam pantēra re yin, nö minkahngö.
5Sā tarik yin töhòṅ akahaiṙen: nö hachônglö hanīöng nö i nup tölip chōn.
6Ngaich yin nö filangö nup tö mirūnö vinī-iṅ la-en nö aṅtī tö hanīöng, mūngöre inrē.
7Föngtukūö an ngam töhet chūök Meh tö cha; hachōchiyö an ngam elyöngö ngam minë-eny Meh tö cha: haṙongtu kui nö el tumlat.
8Ngö ṙô yin nö ellōn re, tā-a, töi keuheūtngöre tī halëlngen u: föngtukūö nup chūök vine-eṅkūötēv im panam nö ṙòkhöre tö cha.
9Hö-ö in meuk minkahngö re: öt ōtre pròfĕt, öt rēhĕn in aṅhaṅv-in tö tö-akahalōn tö rô-òten.
10Ō Tēv, irô-òten ang ngam tökunyahaṅ-elmat, nö miṙē-ĕng, höng örheūheu ang min ngam tökunyahaṅ-elmat nö öt lēkôre tö ngam minë-eny Meh?
11Kūöyòh ömeh kichūm tö kël re: hateutnyökūö këlre Man töm lā hāmö keuheūtngen cha.
12Sön ngam Tēv nö Rācha chu i tö misī: vītö inyööken nö el ngih tumlat.
13Harēvngö ngam mai Më-eṅ i kumlēḵ re: likukngö kui nup tö kiröng kā Më-eṅ el mai.
14Likuknyö kui nup Ṙēv Më-eṅ, nö panyeny: ngaich kēten Ò Më-eṅ nö nya-aṅkūö yip tarik el inchōn.
15Harēv töpöklö mak Më-eṅ, tö ngam tötöh: hanyôlö tökiröng tahël Më-eṅ.
16Më-eṅ Meh an ngam sakāmö, Më-eṅ Meh inrē ngam hatööm: halēnlö ngam hanātö Më-eṅ tö ngam tavūöi.
17Vītö kūöngö ngih panam Më-eṅ: vītö sikehngö Më-eṅ, sūng inrē.
18Köpölōn tö ngih, Ō Mā Tēv: tö ngam tökunyaha elmat tö minṙē-anga, tö yip tökulō-ov tarik inrē nö ötlēḵôre tö minë-eny Meh.
19Ō, un kētu nômö ngam nyö-öṅ Meh nö i ngam tötainy töṙeūla: un örheūheu ngam yāich nö vachīṙen nômö.
20Haköptö ngam kinlēḵngô Meh: tön tööḵlö nup el sinngūlö chūökö tö chanökhuṙen.
21Un hökiṙen ngam töhakihtuṙen nö havan nöng sirōngkūö: hökngen yāich tö ngam tö-iyāich inrē nö eū ngam minë-eny Meh.
22Ō Tēv, chōholre, vë-elkui ih: köpölōn tö ngam tö kulō-ov tarik nö miṙēngen Meh, nö öt hĕng hang sumkam.
23Um vaichngö tö ṙô yip tökunyahaṅ-elmat tö Meh: tö tinṙōlen cha yip chamôhòlre nö lā-al Meh, yip tö-iṙūhen yanôlö.
Currently Selected:
Salmai 74: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
