Salmai 75
75
Ngam Tēv An Kamhôka
1Ō Tēv, kētö Nöinyö Meh in; ha-öinyö Meh in, pò ngam minë-eny Meh nö röhta: ṙô tö minë pinngangkūö la-en Meh vē tarik.
2Hē chu min teūngen töp ṙētak: i chaniplen chū-ö min kahôka.
3Yëngö an ngam panam, tö yip aṅkūö e inrē: asöklö minë machööḵlö e chin.
4Ngö ṙô chin tö ngam mahakeūlô re; Uh man hakeūṙö re: tö ngam tötlöök inrē, Un hachônglö sinrōl re.
5Uh man hachônglö sinrōl re lātulöng: um hakeh likeun re öm chökhu ṙô.
6Tön öt rēhĕn nö löktö lā sūng: öt rēhĕn nö löktö lā lòhngö öp inchônghölö.
7Ngam Tēv pöri ma-akah: hĕng tak tumṙeūti Anga-aṅ, hachohlö ngam tahëng inrē.
8Pòn eltī ngam Mā Tēv, ap kōp hĕng, pēhĕv ngam vāin inrē; tööḵlö ap tö tökalūöchö, ṙösnyö e Anga-aṅ inrē: nup aṅ e lanë-en, nö tupônglöng rit tö cha min, yip tötlöök aṅ ngih panam, ngaich ôkö u.
9Örheūheu pöri chū-ö min vë-eny: Ha-öiny ngam Tēv Yāköp chin min.
10Ṙòkhöre nup sinrōl yip tötlöök inrē min nö röki tö chu: hachohlöng pöri min nup sinrōl yip tölöök.
Currently Selected:
Salmai 75: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
