Salmai 6
6
Ṙô Hinòlṙen, Hē El Kanihngen
1Ō Mā Tēv, uh man i lanīnöre chökṙen chu: uh rēhĕn öm i kumnyahlōn re chökre chu.
2Aheūkölōn tö chu, Ō Mā Tēv; tön ngaich chin nyang-ngö: Ō Mā Tēv, lë-en chu; tön chök nun në tangë chu.
3Chök ön ngih nômö chu nö pōihangṙen: Më-eṅ, Ō Mā Tēv, tö irô-òten öng?
4Ō Mā Tēv, havantöre ṙānyö ngih nômö chu: hayööken chu lökten im hanāngen neūkölōn meh.
5Pòn im kinpaha ngam kanö-pölōn tö meh nö rö-ö: Chiāp min maha-öinyö meh nö el chūök kupah?
6Cheingö chin tö ṙôre alūhure: öt hĕnghang mitööm ngam chamam chu nö töhlö; ha-makngö el chamamre chin tö makmatre.
7Chihôkö mat chin tö kūö mirivlōn: köinyngöre an kūö yip lā-al chu.
8Kē-ĕngre tö chu, ṙòkhöre yī-ö töt löökö la-en: tön hang pineūnyö chu an ngam Mā Tēv.
9Hang vinë-ekūöre an ngam Mā Tēv tö chu: kēḵ vinë-ekūöre an ngam Mā Tēv tö chu.
10Ṙòkhöre yip min lā-al chu nö sirōngkūö: pōihangen inrē nö kihngen.
Currently Selected:
Salmai 6: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
