Salmai 63
63
Meūkken Ngam Tēv
1Ō Tēv, Më-eṅ Man Tēv chu; ka-euilökūö chin min chöhö Meh: yal ön ngih nômö chu tö Meh, meūkken Meh ngih alaha chu, ip tönyô, töchei panam, chūök törö-ö mak.
2El ngam töhet chūök chin ngëichken Meh: öich meuk minhôiṅyö Meh, ngam minā-aṅ Meh inrē.
3Pò ngam hanāngen neūkölōn Meh nö mööḵlö tö nômö: ha-öinyö Meh nun në minuh chu.
4Ngaich hakôlò Meh chū-ö min, i rô-òten chu aṅ: hachônglö kël re chin min i minë-eny Meh.
5Tööḵngen ön min ngihnômö chu tö el tangëḵ tösangöö, sinngööṙö inrē: ngaich ngih elvāng chu min nö ha-öinyö Meh hol tö minuh ṙanāmölōn.
6Yē chu fēken Meh el chaman re: ngaich piṙūtken Meh hē el inahaṅti tö hatööm.
7Pò Meh öm inyööken chu: ṙāmölōn chin min el nyat sanëòk Meh.
8Röhlö ön ngih nômö nö tömkörit Meh: ṙapka chin tö ngam lāhāmö kël Meh.
9Yip chamöh ngih nômö chu pöri nö hòṅ fëlö e: chuh lātaṙeū min töng panam.
10Kētu yip min nö pôḵ ngam sanët: minchö-ö nup am aṅ el inchōn min.
11Ṙāmölōn pöri min ngam Rācha nö im Tēv; kö eū-eure yip min tö chūöku kinlēḵngô nö in Ò: pò ap elvāng yip töṙô-òv min tö minyôiny nö tilūpikūö.
Currently Selected:
Salmai 63: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
