Salmai 62
62
Höng Im Tēv Inyönglen
1Höng ngam Tēv ön ngih nômö chu nöng ötṙô-òv: ṙā-ang in Ò öp inyööken nö yih.
2Höng Anga-aṅ An ihong chu, inyööken chu inrē: Anga-aṅ An tömarô-òlkui tananglö chu, hö-ö chin min pōyen inlöinyka.
3Irô-òten öi min fah tarik öi hòṅ fëlan yī-ö ṙôkhöre: sā tö salīnköti tananglö, sā tö kalöka kinlōngö?
4Halēnöre cha-a nö kuringten ò nö ṙā-ang im lanöökö ò: i minyôiny kumchiklōn cha-a; el vāngre ṙô cha-a, nö hakôlò, ötlēḵkôre pöri cha-a nö ellōn re.
5Nômö chu, höng ngam Tēv man, um ṙô-òv: tön aṅ in Ò öp tömeūkka tö chu.
6Höng Anga-aṅ An ihong chu, inyööken chu inrē: Anga-aṅ An tö marô-òlkui tananglö chu, hö-ö chin min hanlöinyken.
7Im Tēv öp inyööken chu, ineū-euṅ chu inrē: ngam ihong kumlēḵ chu, innyatlö chu inrē, höng im Tēv.
8Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.
9Kô-òngrit yin vē tarik tötaṙeūḵ nöng törö-ö, vē tö tulöng inrē nö minyôinyaṅ: takööklöng yin min nö el öp kinlah lumngan, höh yin tö töng rö-ö.
10Un hayönglenre nö i inkihten, un vītenre i unlāya, un im töng rö-ö: yĕn ṙūölöreṙen kanôlò, un kētu ap ellōn nö in e.
11Hĕng heuh, nët heuh ṙô An ngam Yēv, hāngö e chin chū-ö tö ngam minhôiṅyö nö aṅ im Tēv.
12Ō Mā, aṅ in Meh an inrē ngam miṙēlōn: pò Meh kô kē-ĕkūö tarik tösā la-en ò.
Currently Selected:
Salmai 62: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
