Salmai 64
64
Invëkö Linaklö
1Ō Tēv, hang ṙô chu, vë-eny miṙivlōnre: laklö nômö chu töm pinhe-eṅkūö, aṅ im tökunyahaṅ elmat.
2Hanyatngen chu Laklen töm tö-ulāika inlēnö, tö yip tö la-evṙen tö ötlanöökö: öich ṙā-ang el ṙôngö yip tötlöök tarik.
3Yip mahakeut litākre nö sā sanët: ngaich sōktökūö chòkre tö töchökhu ṙô.
4Pò cha nö hòṅ hayuntö tī re nö lireny ngam tökô-en: öt akahtuṙen tī chā-a nö lirënyan, hö-ö nö pa-ekūö.
5Haruhlö alahare cha-a i tötlöök chöönyi: vë-ekūöre chā-a nö ulāi tö tīre nö ṙātö tinngöp; ngö ṙô cha-a, Chiāp min mameūkö u?
6Chöh nup tötlöök cha-a, Teūngen in, ngö ṙô cha-a, öi milētṙen chöh: aṙū-uti chanöh ellōn, ön ngòh tarik inrē.
7Lirënyö cha pöri min ngam Tēv, nö aṅtī tö chòk: höng löök cha-a min nö nyahaṅvö.
8Lökten cha min nö vītu nö kavēköti, lā-al tö litāk re chā-a nöng kahngenre: kichinykūö re min nö ṙòkhöre yip mameūkö cha.
9Ngaich ṙòkhöre min tarik nö pa-ekūö; ve-eny cha-a min tö e nö tī ngam Tēv: ngaich akahare cha-a nö akah ngam tī Ò.
10Ṙāmölōn min yip tölöök nö im Mā Tēv, ngaich hayönglenre min nö in Ò: ṙòkhöre yip töchiplö ellōn min inrē nö eū-eure.
Currently Selected:
Salmai 64: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
