Salmai 61
61
Invëkö Linaklö
1Ō Tēv, hang ṙô chu: hangihtô chu vë-ekūö Meh.
2Löktökūö manā-angkūö ngih panam chin min havëken Meh: yē ngih ellōn chu nö öt kô, hachōten chu ip ihong tömarô-òlkui tö chu.
3Tön Më-eṅ Man misī inyatlö chu: töngëḵ Öm tananglö chu i yip tö kunyahaṅ elmat.
4Örheūheu chin min iyöng el ngam inrūkui Meh: hanyatlöre chin min el sanëòk kël Meh.
5Ō Tēv, pò Meh hang nup ṙô chu, töchūöku kinlēḵngô: ngaich kētö amin chu tö cha yip tö pa-ekūö tö minë-eny Meh.
6Ṙūötö rô-òtö nômö öp rācha Man min: ṙōl michaplö nup min samyeūheu ò.
7Örheūheu öp min nö köp nö i kūö ngam Tēv: yĕh halēn hanāngen tö-aṙē-ĕlōn hòṅ u nö haköpken Ò.
8Ngaich örheūheu chū-ö min ha-öiny ngam minë-eny Meh: ngaich kaheuk sakāmö öich kētö nup kinlēḵngô re.
Currently Selected:
Salmai 61: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
