Salmai 60
60
Invëkö Ṙinānyi
1Ō Tēv, kavāliyö in tö Meh, liköliyö in tö Meh: līn Man in ih; Ō havanten ih hēk.
2Kichëyöre ön ngih panam tö tī Meh, tikāchiyö an tö Meh: halinken nup linrākö e; tön kalöka an.
3Hameuktö tökihngen Man i vē tarik Meh: ha-ôkö in tö Meh tö vāin tökalēḵ.
4Kētö pantēra Man in cha yip töpa-ekūö tö Meh: pò e nö hōtu min nö halöika, kūö ap inyööken.
5Hòn ṙānyuvö yip hanāngenlōn Meh: hayöölen chu aṅtī tö ngam lāhāmö Meh, sapṙô chu inrē.
6I hanëtö re An ngam Tēv nö ṙô-òv; ṙāmölōn chin min: kaichlen Sikem chin min, ngaich kalah ṙôkö Sakòt.
7Chū-ö cha an Kilīöt, chū-ö chu inrē Manasē: lanaklö kui chu an Ifrēm, kamëtö chöngö ang Yūtā.
8Chūök sanöich röön chu an Mô-ap, tuhtö kunröpö re chin min i kui Ētöm: Filistia, hū-a më-eṅ tökūö chu.
9Chīö ap min kamëten chu im töngëḵ el pinnāmen: achīö mahachōten chu i Ētöm?
10Röh öm höng më-eṅ, Ō Tēv, kamvalngen ih: ngaich rö-ö me-eṅ kiröönngöre in ih kiyung?
11Kētö hinòlṙen in yip tökunyahaṅ elmat tö ih: tön höng chanök alaha an ngam hinòlṙen aṅ i tarik.
12Lökten im Tēv in min öt pa-ekūö; pòn Anga-aṅ min ramööntökui yip tökunyahaṅ elmat tö hī.
Currently Selected:
Salmai 60: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
