Salmai 58
58
Invëkö Kūö Ngam Tēv Nö Chökṙen Yip Tötlöök
1Kô-en öyih; löökô kahôka öi höng öt ṙô-òv; Ō yī-ö kūön tarik: chip haka öyih akah?
2Hôṅ, la-evṙen yin ellōn re tö tötlöök: kalah lumngan nup chanökhuṙen tīre ing panam.
3Lökngen el chūök kanūönö an ngam tötlöök nö aṅ ta-hëng: höng kayôḵnyu yin, ngaich lō-ongkūö, ṙô tö minyôiny-aṅ ngaich.
4Öp in cha kinpahangvah sā kūö pēich kinpahangvah: sā öp töt hang pēich öp tumlupngö elnang re;
5Öp töt hamangṙô yip tömilūö-nö: töhuveū-en nö i milūönö.
6Ō Tēv, tiṙölngö kanap cha, elvāng cha: Ō Mā Tēv, tiṙölngö nup tö kiröng kanap nup ṙālö lāyön.
7Hökngen cha nö ṙööingö sā mak tökalēḵ nö hëm: yĕn sōktö kūö chòk re anga-aṅ, hökngen ò nöng sā tö ta-nyinylöngkūö.
8Hökngen cha nö sā alāpö tö-apūöṙa nö kiröönngöre: sā öp töt hē finötöre kikānö, sā yip töt mameuk tavūöi.
9Öl ngam tanīöyö Meh nö lökngöre tökūö minë tösah-lökūö: aṅtī tö öp lamfeui kuföt Anga-aṅ nö kēngö u, nö ṙōngen töm tö-uhāv, töm töhū inrē.
10Ṙāmölōn min ngam tölöök, hē ò nö meuk invahalvah: söichröön re min Anga-aṅ nö i mahām öp tötlöök.
11Ngaich ngö ṙô min yip tarik, raneushu yin nö kô-en vē tölöök: kô-en Öp Tēv umuh kamhòṅklö kui ngih panam.
Currently Selected:
Salmai 58: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
