Salmai 56
56
Ṙô Inyönglen Re Im Tēv
1Ō Tēv, yēḵ, aheūkölōn tö chu; tön hòṅ ngeūkten chu ön ngòh tarik: kilöönö chu an öt hĕnghang sumkam nö hakihten chu.
2Hòṅ ngeūkngen chu vē tö-kunyahaṅ elmat tö chu nö öt hēnghang sumkam, pò cha nö maṙôngö: vē kumlöö-nö chu, hakeūlenre nö lā-al chu.
3Ip hē chu pa-ekūö: hayöng-lenre chū-ö min in Meh.
4Im Tēv chin min ha-öiny ngam ṙô Ò: im Tēv chin hayöng-lenre, öt hō chin pa-ekūö; suh kanô-òṅ tarik tö chu?
5Hĕng sumkam yin nö löinyngö ṙô chu: ṙòkhöre nup lōn cha tö chu nö mi-i tö chōich.
6Hamūlöre yin nö hol re, hanyatngöre yin: mikahngö vanāngö chu yin nö sā cha nö hayun ngih nômö chu.
7Öt kô-òngvah aich min tö tī öt lanöökö: Ō Tēv; i lanīnö yĕh kuringtö më tarik.
8Vënyö kinvānö chu Man ngaich; asëhöt nup mak mat chu el pilön: röh önu nö i mat līpöre Meh?
9Havānörit min ngaich yip tö-kunyahaṅ elmat tö chu, ip sakāmö hē chu havë-a: Aka-halōn chin, pò ngam Tēv nö lā in chu.
10Im Tēv chin ha-öiny ngam ṙô Ò: im Mā Tēv chin min, ha-öiny ngam ṙô Ò.
11Im Tēv chin hayönglenre: öt hō chin min pa-ekūö tö tī tarik nö in chu.
12Ō Tēv, i kui chu nup töchūö-ku kinlēngô: kē-ĕkūö Meh chin tö nöinyö, tökētu.
13Pò Meh ṙānyö nômö chu ṙā-ang kinpaha, röh Öm ṙā-nyö në kunröön chu ṙā-ang i sanuktöre: pò chu hōtu lök i kūö ngam Tēv, i yanāngö kūö ngam nômö.
Currently Selected:
Salmai 56: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
