Salmai 51
51
Invëkö Inṙē-ĕl
1Ō Tēv, aheūkölōn tö chu, sā ngam hanāngen neūkölōn meh: sā ṙôken nup miṙēlōn meh, sichngö nup tanôichngen chu.
2Söichlen chu kô-òti ṙā-ang i nup töt ṙong in chu: ahetlen chu ṙā-ang im tökööl chu.
3Tön akahngen tanôichngenre chin: öreheūheu inrē ngam tökööl nö i kūö chu.
4Höng in meh, in meh më-eṅ, öich köölö fālen, ngaich öich kēken nup tötlöök nö i kūö meh: ngaich huveū-en më-eṅ yē meh ṙô-òvö, ngaich chīpen inrē yē meh kahôka.
5Yĕh Ngëicha, tö chu tövī-i öich tötṙong: ngaich i tökööl öich pirūka tö ngam yöng chu.
6Yĕh meuk, hōtö tökô-en man lātuhēt: ngaich vīten chu min më-eṅ akahakūö tö mikah lā im tönyatngö.
7Söichö chu aṅtī tö hisòp, ngaich chū-ö minhet: söichö chu ngaich mötlö insōho min chū-ö tö tökënngöre ta-cham.
8Vīten chu hang ṙanāmölōn: hòṅ në tangëḵ, në likölngö meh nö ṙāmölōn.
9Hanyatngö kūöre man tö në tökööl chu: sichngö nup tötṙong in chu nö ṙòkhöre.
10Ō Tēv, vīlö töhet ellōn chu: tumfömlö öp tököp fanöiny-lö nö in chu.
11Uich kavāliyö ṙā-ang i kūö meh: un kē-ĕyö ngam töhet Fanöinylö nö ṙā-ang in chu.
12Havanten chu im ṙanāmölōn inyöölen: ṙapken chu inrē aṅtī tö ngam töhō fanöinylö.
13Ngaich chū-ö min haköptö yip tötôichngen tö ngam talöökö meh: ngaich yip tököölö fālen min nö havantöre nö in meh.
14Ō Tēv, ṙānyen chu ṙā-ang in yip tömahāmu tī, më-eṅ Tēv inyöölen chu: ngaich ngih litāk chu min nö pōitô nö tikökngö ngam lanöökö meh.
15Ō Mā, löpnyö kūö në minuh chu: hòṅ ngih elvāng chu nö hameuknyö nöinyö meh.
16Pò meh öt kuchīkölōn i tökē-tuvö; kētö e chin öre: öt ööire më-eṅ inrē i töföngö tökētuvö.
17Ngam töpaṙööyi ellōn tökētu nö lōn ngam Tēv: ngam tölakūkö kūö mirivlōn tö tökööl, angū-ö an töt sōḵov tö meh, Ō Tēv.
18Löökö la-en man i kumchik-lōn re i Siyòn: mānlö nup kinlōngö Yērusalem man.
19Ngaich më-eṅ min kuchīkö-lōn i nup tölöök tökētu, i nup töföngö tökētu, nup tönòngre inrē töföngö tö-kētu: ngaich cha-a min nö kētö kōiny nuā nö el ngam tahāklö meh.
Currently Selected:
Salmai 51: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
