Salmai 48
48
Sīyòn, Ngam Panam Ngam Tēv
1Tökiröng an ngam Mā tēv, töhòṅ tāilö ṙô öi ha-öinyan: el pinnāmen ngam Tēv hī!
2Im töhet rôngö ò vāyö intāilö, ngam ṙanāmölōn në taṙòkhöre panam, ngam Rung Siyòn: lā kapā, ngam el pinnāmen ngam tökiröng Rācha.
3El nup patī rācha an ngam Tēv: ngam chūök innyatlö, nö mikahtökūö tö re.
4Yĕh meuk, tö vē rācha nö hamūlöre: hol röön re yin nö lök umuh.
5Meūkö e cha-a, ngaich möl nö pingangkūö cha-a: uṙeh cha-a, ngaich pa-ekūö cha-a.
6Kichëyöre cha-a nö umuh: chök, sā chanökö kikānö kamyôḵ.
7Aṅtī tö ngam kuföt chuhöt më-eṅ min: likukngö nup-chōng aṅ Tarsis.
8Sā ahang ih, ngatī maheuṅk īhö elpinnāmen ngam Mā Tēv yip tömaṙôngö, elpinnā-men ngam Tēv hī: haköpngö e an min ngam Tēv nö töng örheūheu.
9Ō Tēv, fēken nuk hanāngen neūkölōn meh in: el ngam töhet chūök meh.
10Sā ngam Minë-eny meh, Ō Tēv, ngatī ngam nöinyö meh söl i manā-angkūö ngih panam: tööḵlö an ngam la-hāmö eltī meh tö lanöökö.
11Ṙāmölōn an yēk ngam rung Siyòn, hökngen yip kikānö kūön Yūta nö ṙāmölōn; kūö ngam inkaha fālen aṅ in meh.
12Kiröön i Siyòn, havīṙö e inrē: ve-eny nang nup chūök chamônga umuh.
13Halöök tīre yin mikahngö nup rananglö ò, ngëichkö nup patī rācha ò; hòṅ yīö min ve-eny e in yip tumköl-chap mu-unôich.
14Tön Tēv hī ön ngòh Tēv nö ong örheūheu: söl kinpaha an min nö mahachōkūö hī.
Currently Selected:
Salmai 48: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
