Salmai 47
47
Tökiröng Nö Mahayöng
1Yĕh, yī-ö tarik, ṙòkhöre fatāk eltīre: hūḵa im Tēv, töp ṙô minhôiṅyö.
2Tön pinngāngö an ngam Mā Tēv Lamātulöng: anga-aṅ an tökiröng nö i kui në panam nö ṙòkhöre.
3Tumṙeūtö yip tarik an min nö el katòh hī: el katòh röön hī inrē vē pumnāmö tarik.
4Atöllö amin hī an min: ang Yāköp tö-inkôluṙô, ngam hanāngen Ò.
5Yônlö an nö ngaich ngam Tēv nö hol tö inyôṙö ṙô: hol tö ṙô nup römpet ngam Mā Tēv.
6Tiköknyö nöinyö ngam Tēv, tiköknyö nup nöinyö: ti-köknyö nöinyö ngam Rācha, tiköknyö nup nöi-nyö.
7Tön ngam Tēv an Rāchakūö në panam nö ṙòkhöre: tikök-nyö nöinyö yin hol tö mikah elmat.
8I kui vē pumnāmö tarik an ngam Tēv nö hayöng: ūich-hak an ngam Tēv el ngam töhet kantēra minā-aṅre.
9Hamūlöre yip mākūö vē tarik, nö tarik ngam Tēv Aprahām: pò ngam lanaklö ngam panam nö aṅ im Tēv, anga-aṅ an töhòṅ Kiröngö inpōilö.
Currently Selected:
Salmai 47: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
