Salmai 46
46
Holtöṙah Hī An Ngam Tēv
1Innyatlö hī an ngam Tēv, kumlēḵ inrē: tö röhta nö holṙen hē el kanihngen.
2Lökten in min öt pa-ekūö, pòrô ngih panam nö haṙī-ingre: pòrô në rôngö nö kēḵnyu nö ellōn ngam mai;
3Pòrô minë mai umuh nö ṙënu-ṙô nö ëlu inrē: pòrô minë rôngö nö kayīna tökūö mahūvö.
4Tahël ap umuh, ṙāmölōn tī ap töhëm mak tö ngam el-panam ngam Tēv: ngam töhet chūök inrūkui ngam Lamātulöng.
5Ellōn e an ngam Tēv; öt hanlöinyken an min: holṙen e an min ngam Tēv, nö ka-euilökūö.
6Angëḵ min vē tarik, kē-ĕyö minë pūlngö inrē: kaknyö ṙôre min anga-aṅ, ayëṙi ngaich ngih tumlat.
7In hī an ngam Mā Tēv yip tömaṙô-ngö: ngam Tēv Yāköp an innyatlö hī.
8Ta-ih, ngëichkö në la-en ngam Mā Tēv: ngam töpayāyi tī töng panam.
9Vīngen kinyūngö an nö ṙā-angre söl manā-angkūö ngih panam: likölngö linreny an, fangngö nup vöi inrē nö pinyënyi; föngngö nup inröl an nö i kūö tameūyö.
10Hachēvöre, akaha chu tön chū-ö chin Tēv: hapōilöng chin min in yip pumnāmö tarik, hapōilöng chin min ing panam.
11In hī an ngam Mā Tēv yip tömaṙôngö: ngam Tēv Yā-köp an innyatlö hī.
Currently Selected:
Salmai 46: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
