Salmai 30
30
Ha-öinytī ngam Tēv
1Ō Mā Tēv, hapōilen meh chin min, pò meh hachohlen chu: ngaich vīten yip lā-al chu nö öt ṙamngövah chu.
2Ō Mā Tēv chu, peuinyhökūö meh chin: ngaich më-eṅ löö-ken tī tö chu.
3Ō Mā Tēv, ngaich man kēlö ngih nômö chu nö ṙā-ang el Anūlö: haköpö chu man ngaich aṅ, öich öt chuh el Anūlö.
4Ha-öiny ngam Mā Tēv, Ō yī-ö töhet in ò, ha-öiny ngam töhet minë-eny ò inrē.
5Tön töng rahëichtaṙen an ngam lanīnö ò, nômö ap ööi ò: yih ngam pineūnyö tö harap, peuheū pöri ngam ṙanāmölōn nö yih.
6Ngö ṙô chū-ö hēre kôlò, Öt hanlöinyken chin min.
7Me-eṅ man Mā Tēv, ip ööi meh vīten ngam rôngö nö sökhak nö ngëḵ: kihngen chin yē meh hanyatngö kūö re.
8Ō Mā Tēv, peuinyhökūö meh chin: in meh nup ṙô chu ve-elkui.
9Asuh ap kanôlò i mahām chu, yē chu chuh el Anūlö? Ha-öinyö meh öng min ngam tumlat? Ve-eny kanô-en meh öng min?
10Ō Mā Tēv, hangihtöre, aṙē-ĕlōn inrē tö chu: Më-eṅ man yēḵ hamòlṙen chu.
11Havāngtö ngam miriv chu man ngaich nö kinṙīömö: ṙòngngö ök sāk man ngaich ök inyut chu, ngaich nyëkṙat chu tö ṙanāmölōn.
12Pòn hōtu ngam ineū-euṅ chu nö ha-öinyö meh, öt chēv-haka inrē: Ō Mā Tēv, Tēv chu, ha-öinyö meh chin ör-heūheu.
Currently Selected:
Salmai 30: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
