Salmai 29
29
Ṙô-ngam Mā Tēv El Chanôchö Mai
1Kē-ĕkūö ngam Mā Tēv, Ō yī-ö kūön ngam Tēv: kē-ĕkūö ngam Mā Tēv tö ineū-euṅ, kumlēḵ inrē.
2Kē-ĕkūö ngam Mā Tēv tö ineū-euṅ, lamöö i minë-eny ò: salām ngam Mā Tēv öi haṙāköre im hanëtö.
3I kui mai an ngam ṙô ngam Mā Tēv: kunṙôkö an ngam ineū-euṅ ngam Tēv, anga-aṅ ngam Mā Tēv, nö i kui tökiröng mai.
4Tökalēḵ an ngam ṙô ngam Mā Tēv: tööḵlö an ngam ṙô ngam Mā Tēv tö minā-aṅ.
5Laköli tī an ngam ṙô ngam Mā Tēv tö sītör: hôṅ, panyë-nyö tī an ngam Mā Tēv nö liköl nup sītör i Lepenön
6Sā kun nuā nup nö kumööi-löre tö tī ò: Lepenön, Sirīön inrē, sā tö-ayal hanchōn kōiny nuā.
7Ka-īchköṅny tī an: ngam ṙô ngam Mā Tēv tö tameūyö.
8Kayin nup el-inchōn tö kūö ṙô ngam Mā Tēv: kayin ngam el-inchōn Katĕs, tö tī ngam Mā Tēv.
9Suknyöre kūön nup ha-in tö-kūö ṙô ngam Mā Tēv, ngānyi tī inrē tö elinchōn: ngaich ṙòknyöre ṙô nup el ngam töhet chūök ò nö ngö, Ineu-euṅ yēḵ.
10Ūichhaka an ngam Mā Tēv nö i kui tötöh nö sā rācha: hòṅ, sā rācha an ngam Mā Tēv nö örheūheu nö ūich-haka.
11Kētö kumlēḵ yip tarikre an min ngam Mā Tēv: aṅtī tö lanāmö an min ngam Mā Tēv nö hakôlò yip tarik re.
Currently Selected:
Salmai 29: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
