Salmai 3
3
Peuheū Vinë-ekūötēv Nö Ṙô Inyööken
1Mā Tēv, sitih ṙanūölö aich vē lā-al chu: maṙôngö yin vē chamôhòlre nö lā-al chu.
2Maṙôngö yip tö ngö ṙô töng nômö chu: öt hōluṙen an tö aṅ im Tēv ò.
3Ō Mā Tēv, Më-eṅ man pöri lanaklö öm vinngö: ineū-euṅ chu, Mahachōhol kui chu inrē.
4Havëkö ngam Mā Tēv chin öich hol tö ṙôre: sapṙô chu ngaich anga-aṅ nö löknyö el ngam töhet rôngö.
5Hulalngöre chin haṙòh, ngaich aṅhen: pò ngam Mā Tēv nö ha-aṅhaṅ chu.
6Öt hō chin pa-ekūö tö tösöm köṅny tarik: yip samöklöre nö lā-al chu, nö havīlen chu.
7Ō Mā Tēv hōklöre; hayööken chu, Ō Tēv chu: pò meh ngaich fatāk tangë arëkūö ngam tökunyahaṅ elmat tö chu: ngaich man tiṙölngö kanap ngam tötlöök.
8Aṅ im Mā Tēv an ngam inyööken: i kui vē tarik meh an yēḵ ngam inkôlò tī meh.
Currently Selected:
Salmai 3: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
