Salmai 2
2
Rācha Katöllö Ngam Tēv
1Kūöyòh aich vē pumnāmö tarik nö angëṙö tanāinyö: vē tarik inrē nö lōn tö töng töl?
2Haṙāköre yin vē rācha ngih panam vē mahayöng inrē nö halēnlö ṙôre: nö lā-al ngam Mā Tēv, lā-al ngam hacham elkui ò inrē, nö ngö ṙô;
3Tā-a töi litòkngö kinpòk cha: ngaich kavalngö ngam rehen cha nö ṙā-ang in hī.
4Hayīölkūö an min ngam amūichhaka nö el minë halīöngö: miṙē-ĕyö yip min tö ngam Mā.
5I lanīnöre min anga-aṅ nö vë-ekūö cha: hakihten cha inrē i ṙôkö kumnyahlōnre.
6Ha-ūichlö ngam rāchare chin sönen: i kui ngam töhet rôngö Siyôn.
7Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.
8Vë-ekūö chu, kē-ĕkūö meh chin min inrē tö vē pumnāmö tarik nö amin meh: ane inrē minë manā-angkūö ngam panam nö hayōm meh.
9Likölö u man min aṅtī tö vët tinkung: likukngö u man min nö panyeny sā tanīöyö.
10Lökten, akaha yēḵ, Ō yī-ö rācha: haköp yēḵ, yī-ö ma-akaha fālen ngih panam.
11Lök la-en ngam Mā Tēv hol tö pinhë-ekūö: ṙāmölōn hol tö kinchëyöre.
12Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.
Currently Selected:
Salmai 2: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
