Salmai 4
4
Harap Vinë-ekūötēv Nö Ṙô Inyööken
1Sapṙô chu, yē chu havë-a, Ō Tēv lanöökö chu: ṙānyen chu man ngaich hē chu kihngen; aheūkölōn tö chu, hang ṙô chu vë-ekūö meh.
2Ō yī-ö kūön tarik, i rô-òten öng ngam ineū-euṅ chu min nö havāngtu nö lā im minṙē-ngö: i ṙôktöre hanāngenlōn öi tö chanök alaha, ngaich tömrit minyôiny-aṅ?
3Akahalōn pöri tö ngam Mā Tēv nö haköhngen ò nö tarik ò, öp tölöök: hang an min ngam Tēv yē chu havëken ò.
4Līn yin, un köölö fālen: el chamamre vë-ekūö ellōnre, ngaich chēvhakṙen.
5Kētö öp tökētu i lanöökö: hayönglenre im Mā Tēv.
6Maṙôngö yip tö ngö ṙô: Chīö öp min mahameukhö mat hī tö tölöök? Mā Tēv, ha-chônglö kūöre man, ngam töhat nö i kui ih.
7Ngaich man kēhöt ṙanāmö-lōn ellōn chu: möthë tö nup tī meh hē ṙanūölen sāiny cha, vāin cha inrē.
8Im lanāmö chin min ṙōlngöre, haṙòh inrē: pò meh, Mā Tēv, më-eṅ tö tī-iv tö chu öt pala-aiṙen, öich hĕngtöṙah.
Currently Selected:
Salmai 4: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
