Salmai 28
28
Invëkö Hinòlṙen
1Mā Tēv, havëken meh chin min; ihong chu, uh man yēḵ öthang ṙô chu: yē meh chēvngen öm in chu, ngaich chū-ö min höng sā cha yip chamuh el anūlö.
2Hang nup ṙô chu yēḵ vinë-elkui, yē chu havëken meh: yē chu hachônglö këlre kū-ö tö lā tuhēt el ngam töhet chūök meh.
3Uh chin yēḵ tūöki hol ngam tötlöök, hol yip töla-evṙen inrē tö tötlöök: yip tölāmö ṙô nö i holre, ellōn cha pöri öp öt lanöökö.
4Kē-ĕkūö cha, asā nup la-en cha, asā ötlanöökö nup vahī-ṙen cha inrē: kē-ĕkūö cha tö tösā ötlanöökö nup vahī-ṙen cha: kē-ĕkūö cha tö nup raneushö la-en cha.
5Pò cha nö ötkūöngenre tö la-en ngam Mā Tēv, öt rēhĕn tö nup vahīṙen kuntī ò: likölö cha an min, ngaich öt hēk nö asöklen cha.
6Tökôlò an ngam Mā Tēv! Pòn hang nup ṙô anga-aṅ vinë-elkui.
7Kumlēḵ chu an ngam Mā Tēv, lanaklö chu inrē; in chu ap ellōn chu nö nyatlö, hōluṙen chin inrē: lökten ngih ellōn chu nö pōilö ṙanāmölōn; ngaich ha-öi-nyan chū-ö min töp tinkö köre.
8Kumlēḵ chu an ngam Mā Tēv: ane an inrē töngëḵ chūök inyööken ngam hacham kui ò.
9Hayööken vē tarik meh, hakôlò vē amin meh inrē: ha-aṅlen cha inrē, tayūkö cha inrē örheūheu.
Currently Selected:
Salmai 28: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
