Salmai 27
27
Ṙô Nööinyö
1Ëāṅvö chu an ngam Mā Tēv, inyôken chu inrē; chiāp min pinhë-eṅkūö chu? Ngam Mā Tēv an kumlēḵ ngih nômö chu; chiāp min pahë-e chu?
2Yē yip töt löökö la-en nö yih nö in chu nö kā ngih alaha chu; yip lā-al chu, yip tökunyahaṅ elmat tö chu inrē: kavē-ĕre cha-a fukngö inrē.
3Pòrô tömaṙôngö nö havīlen chu nö lā-al chu, öt pa-ekūö ellōn chū-ö min: pòrô öp kinyūngö nö yih nö lā-al chu, sön chū-ö min höng nyatlö.
4Hĕng öp havëkö chu im Mā Tēv, chahöh chu min: hòṅ chu iyöng el patī ngam Mā Tēv min i rô-òten chu aṅ, öich ngëichkö vanāyö ngam Mā Tēv, hatīönkö ngam patī ò inrē.
5Pòn ip sakāmö kanihngen anga-aṅ min nö hayunngen chu el öp rūkui ò: el öp inrūkui ò tönyatngö min a-nga-aṅ nö hayunngen chu; hachohlen chu min anga-aṅ nö i kui öp ihong.
6Chônghak min ngam kui chu nö kööilö tö kui yip lā-al chu, mahavīlen chu: ngaich chū-ö min kētö ṙanāmölōn tökētu el ngam inrūkui ò; tikökṙôre chin min, hôṅ, tiköknyö nöinyö ngam Mā Tēv chin min.
7Ō Mā Tēv, hang ṙô chu yē chu havëken meh: aheūkö-lōn tö chu, sapṙô chu.
8Yē meh ngö ṙô, Chöh ngih kūö chu yin: ngaich ngö ṙô ngih ellōn chu tö meh, Chöh kūö ngam Mā Tēv chin min.
9Uh man yēḵ hayunngö kūöre tö chu. Un ṙā-ayö ngòh tarik meh nö im lanīnö: töha-ehelkui man holṙen chu. Uh chin yēḵ kavāli ma-rôvat, Ō Tēv inyööken chu, uh rēhĕn öich ṙa-ayö!
10Hē chu ṙā-ai tö nak yöngre: kē-ĕ chu pöri min ngam Mā Tēv.
11Ō Mā Tēv, haköpten chu tö ngam talöökö meh: ha-chōkūö chu el ngam tölēn talöökö, tön hayūnö chin tö yip lā-alre.
12Uh chin kētu i lōn vē lā-alre: tön chōholre yip samūöcha nö lā-al chu yip mu-uhômnyö ötlinëken.
13Chaṙīvi chin yē chu öt ṙātö ellōnre: töre öich meuk ngam lanöökö ngam Mā Tēv.
14Höka im Mā Tēv: hangë-eṅre, hökngen ngam ellōn meh nö un pa-ekūö; hòṅ, höka man im Mā Tēv.
Currently Selected:
Salmai 27: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
