Salmai 26
26
Ṙô Tö Akāha Tarik Nö Vë-ekūötēv
1Ō Mā Tēv, akaha chu, tön lök ing lanënöre chin: tökatöngaṙen chin hayönglenre im Mā Tēv.
2Ō Mā Tēv, kiluhu chu, kalah-ten chu inrē: kalah në rahēḵ chu, fanöinylö chu inrē.
3Pò ngam hanāngen neūkölōn meh nö i kūö chu: ngaich chin lök im kanô-en meh.
4Rö-ö chin ūichhak holtöṙah tötöl: öt rēhĕn chin holröön mahanyatkö elmat kiröön-ngöre.
5Surīkhö ṙôngö tötlöökö la-en chin: öt hō öich ūichngöre holtöṙah tötlöök.
6Söich tīre chin min sātī tënö: lökten chu min havī ngam tahāklö meh, Ō Mā Tēv;
7Hòṅ chu ahangnyö ṙôre tö ngam nöinyö: vë-eny nup pinngangkūö la-en meh inrē.
8Hāngenlōn chin tö ngam elyöngö el ngam patī meh, Mā Tēv: ngam chūök inrē chūök ngam ineū-euṅ meh.
9Un i tököölö fālen ngam nômö chu nö hamūltu: un rēhĕn ngam nômö chu nö hol tarik; famël tarik;
10Yip tö-aṅhav eltī tö ötlanöö-kö: tööḵlö nup lahāmö cha tö ṙāi michūṙen.
11Lök ip lanënöre pöri chū-ö min: ṙānyen chu, aheūkölōn yēḵ tö chu inrē.
12Sökhaka röön chin i töṙōngö-kūö: hakôlò ngam Mā Tēv chin min el ṙôngö yip tömaṙôngö.
Currently Selected:
Salmai 26: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
