Salmai 21
21
Nöö-nyö Minhòiṅyö
1Ō Mā Tēv, ṙāmölōn an ngam rācha nö i kumlēḵ meh: yöng ṙanāmölōn ò min nö im inyööken aṅ in meh.
2Ngaich man kē-ĕkūö ò tö nup lōn ò: öt ma-inngö nup havëkö minë minuh ò. 1
3Pò meh urēhĕkūö ò öm kumtö inkôlò lanöökö: sumpīövlen ò man ngaich tö tövai hum-lum sapīöv nö i kui ò.
4In meh anga-aṅ nö havëkö nômö, ngaich kētö e më-eṅ in ò: rôta minë sakāmö inrē nöng örheūheu.
5Kiröng ap minā-aṅ ò im inyöö-ken tī meh: ineū-euṅ, minā-aṅ inrē, ṙātu tö meh nö nö i kui ò.
6Pò meh vī an nö tölngö tökôlò nö örheūheu: vīten ò man nö ṙāmölōn tö ṙanāmölōnre nö i kūö meh.
7Pò ngam rācha nö hayöng-lenre nö im Mā Tēv: ngaich lökten ngam hanāngen neūkölōn ngam Lamātulöng, anga-aṅ min nö öt halöinyka.
8Kôtökūö an min ngam kël meh tö yip tökunyahaṅ el-mat tö meh: kôtökūö an min ngam lāhāmö kël meh tö yip tösumrīk tö meh.
9Vīten cha man min nö sā töhūkūö tameūyö ip hē meh öm līn: ngeūktu yip min nö im lanīnö meh, ngaich ngam tameūyö min nö ṙāp-ngökūö tö cha.
10Yip ṙòng cha min nö halëli tö meh nö i kūö ngih panam: yip kulöl cha min inrē, nö ṙā-ang i yip kūön tarik.
11Pò cha nö lōn tö tötlöök nö in meh: halēnlö chanöh ellōn re yin, nup töt han-teungngen tö cha.
12Pò meh min vīten cha nö hapung tö ukre: halēn ngam inröt linrenyre min më-eṅ öm lā-al cha i kūö cha.
13Ō Mā Tēv, hapōilöng man yēḵ im kumlēḵ meh! Ngaich tikökṙôre min īhö, ha-öiny ngam minhôiṅyö meh inrē.
Currently Selected:
Salmai 21: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
