Salmai 20
20
Invëkö Minhòiṅyö
1Sapṙô meh an ngam Mā Tēv hē sakāmö kanihngen: asöklen meh an nö lātulöng tö ngam minë-eny ngam Tēv Yāköp:
2Sööm tö hinòlṙen meh ṙā-ang el ngam töhet chūök: löknyö i Siyòn tī nö hangëken meh;
3Köpölōn tö nup tökētu tö meh: hō-o nup töföngö kahëtö meh;
4Kētö nup lōn meh: hateung-ngö nup töhalēnlöng tö meh.
5Im inyööken in min tī meh mihôiṅ, ngaich i mine-eny ngam Tēv hī min öi hatamlö pantērare: hateungten nup havëkö meh an ngam Mā Tēv.
6Ngaich chin akahalōn tö ngam Mā Tēv nö hayöölen ngam hacham kuire; sapṙô ò an min nö ṙā-ang el ngam töhet halīöngö: nö hol tö kumlēḵ ngam inyööken nö lāhāmö ò.
7I inröl yip rīkre nö hayönglen-re, rīkre inrē mahayönglenre nö i kōre: kakkö minë-eny ngam Mā Tēv pöri ayī-ö, ngam Tēv hī.
8Sangôni yip cha-a, fukngö inrē: choholre pöri ayī-ö, chiphaka öi sökhak inrē.
9Hayööken, Mā Tēv, sapṙô ih an yēḵ ngam Rācha: yē ih havë-a.
Currently Selected:
Salmai 20: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
