Salmai 17
17
Ṙô Tö Akāha Tarik
1Ō Mā Tēv, hang ṙô ngam töchip, hang ngam ṙô chu: kētö elnangre i vinë-eṅkūöre, tö chu, nup töt lamöknyö i minuh töng töl.
2Hökngen ngam inkaha nö yih ṙā-ang i kūö meh: hökngen minë mat meh, nö ṙô mat nö meuk.
3Ngaich man kalah ellōn chu; chöhken chu ngaich tö el hatööm; kalaha chu man ngaich, ngaich öt kanôtu- kūö: kalĕḵĕ lōn chin öt hōtö ngih elvāngre nö tôichngen.
4I inlahen nup la-en tarik pöri, lökten i ṙô minë minuh meh: haköpngöre chin ṙā-ang i talöökö töchökhuṙen.
5Köpö vanāngö chū-ö el nup kanröönö meh: öt taleūchi röön chū-ö.
6Havëken meh chin, Ō Tēv, pò meh sapṙô chu min: asītö el nangre in chu, hang ṙô chu inrē.
7Hameuktö ngam pinngangkūö hanāngen neūkölōn meh, Ō më-eṅ mahayööken cha yip mahayönglenre nö in meh: nö in yip chamôhòlre nö lā-al cha, löktö lāhāmö meh.
8Haköpö chu sā ngam tö isoh elmat: hanyatngen chu elkatòh minë sanëòk meh.
9Ṙā-ang im tötlöök më maha- yëḵngen chu: më mahavīlen chu, tökapaha tī lā-al chu.
10Inṙungngö tö tösangööre yin: hakeūlôre yin nö elvāngre.
11Havīlen ih yin nö ngaich, el talöökö ih: hatīön tö matre yin nö hòṅ tufahten ih el tumlat.
12Sā ngam lāyön an töyal tö nyā-aṅkūöre: sā öp kun lāyön mahayun nö el nup töt meūkö chūök.
13Ō Mā Tēv, asahan, afukngen ò: aṅtī tö ngam sanëtre man ṙānyö ngam nômö chu ṙā- ang im tötlöök.
14Ō Mā Tēv, löktö eltī meh, ṙā-ang in yip tarik, ṙā-ang in yip tarik aṅ ngih panam, yip tö minchööḵövö tö aṅ ngih nômö, yip töhatööḵöi- ṙen aich tö meh tö nup kanôlò meh: Kô-ònglōn yip tö kūönre, ngaich ṙātö nup chööḵ nö in yip tënö kūön cha.
15Meukkūö meh pöri chū-ö min im lanöökö: tööḵngen chin min yē chu aṅhen, ngaich sā meh.
Currently Selected:
Salmai 17: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
