Salmai 16
16
Ṙô Ṙinātö Ellōn
1Ō Tev, aṅten chu: tön in meh chin hayönglenre.
2Më-eṅ man Mā chu, ngö ṙô chin tö ngam Mā Tēv: Öt lanööku chin töp tövāngngö tö meh.
3Yip töhet pöri ing panam cha-a yip tölngö chūök nup kumchiklōn chu.
4Ṙuölöre ṙôken kanihngen yip min yip mahaṙīngö ngam Mā Tēv tö tahëng Tēv: öt kētö öp tö-ôkö chin min mahām in u, öt rēhĕn kē minë-eny u i minuhre.
5Ngam Mā Tēv an minchööḵ-ö chu ip amin chu, chūök òk chu inrē: haköpkö ngam chū-ö me-eṅ.
6Fuk i tölöök chūökö an ngam kūöngö chu: hòṅ, löök an ngam amin chu.
7Hakôlò ngam Mā Tēv chin min, ngam mahalēnö chu: hôṅ, haköpten chu an i ellōn tö el hatööm.
8I kūöre tī chin örheūheu tö ngam Mā Tēv: pòn lāhāmö chu anga-aṅ, öt hanlöinyken chin min.
9Lökten chin ṙāmölōn, haṙam-lōnre ngam ineū-euṅ chu inrē: ngih alaha chu inrē min iyöng el chūök ötpinlā-ngen.
10Pò meh min ötṙāngö ngam nômö chu nö el anūlö: öt-rēhĕn min me-eṅ halöngten ngam töhetre nö meuk chinhūngö.
11Hameukhömat chu man min tö talöökö nômö; i kūö meh ap sanööḵngö ṙanāmölōn: lāhāmö meh ap kumchiklōn nö örheūheu.
Currently Selected:
Salmai 16: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
